Basta — Page 219

7 Chhor do gosha-e-chadar ko mere pas na aao Bint-e-Zahra hun Nabi-zadi hun mujh ko na satao Kalma tum parhte ho jis ka na use ghaiz mein lao Tum ko lazim tha ba-izzat hamein parde mein bithao Lut kar zer-o-zabar phir mujhe dukh dete ho Ek rida baqi hai us ko bhi le lete ho 8 Chhinte ho wo rida jis mein hain sau sau paiwand Haq ko ye zulm kisi taur na hoga pasand Kahenge hashr mein qudsi ye ba-awaz buland Nange sar Fatima aati hai karo ankhen band Us ki beti ki rida chhin ke kya paoge Aaj ke zulm ki mahshar mein saza paoge 9 Us ke ye dast-e-sitam sab ne barhaya ek bar Aur rida haye ghazab li sar-e-Zainab se utar Haq se faryad jo karne lagi wo sina-figar Aai maqtal se ye awaz Imam-e-Abrar Mat karo shikwa, agar bhai hai pyara Zainab Azmata hai Khuda sabr tumhara Zainab 10 Gham na khao jo rida le gaye sar se dushman Dekh sakta hai koi nur-e-ilahi ko bahen Lakh lab pe na zinhar shikayat ka sukhan Jalti reti pe hai uryan hamara bhi badan Hai qasam tujh ko Khaliq ne banaya hum ko Na rida tum ko mayassar hai na saya hum ko Gharat-e-khaima-e-Sarwar ko jab aaye aada Iltimas Surah Fatiha baraye isal-e-sawab Syed Zulfiqar Husain Rizvi Ibn Syed Zahir Hasan Rizvi Syed Muhammad Mahfuz Haider Rizvi Ibn Syed Zulfiqar Husain Rizvi Syeda Tahira Banu bint Syed Amanat Ali Syeda Anees Banu bint Syed Sharaf Ali Syed Shabih-e-Nabi-e Hasan Naqvi Ibn-e Syed Zahid Husain Naqvi