Basta — Page 228

4 Ruka na phir bhi jo shahsawar-e-nek-anjam Ghazab mein aa gayin tab khwahar-e-Imam-e-Anam Faras ura ke jo wo aagaya qareeb-e-khayaam Jhapat ke dukhtar-e-sher-e-khuda ىe pakri lagaam Lagam pakri jo us sogwar ne barh kar Gale mein dal din banhein sawar ne barh kar 5 Tarap ke surat-e-bismil wo jaan khone laga Jigar larazne laga be-qarar hone laga Gham-e-Husain mein ashkon se munh dhone laga Jhuka ke dosh par sar, zar zar rone laga Kaha na ro, ke Khuda ka Wali hun ay beti Main gham-zada, tera Baba Ali hun ay beti 6 Pukarin haye luta ghar na li khabar Baba Bichhar gaya mera Akbar khabar na li Baba Guzar gaya Ali Asghar khabar na li Baba Kata Husain ka sar khabar na li Baba Haram ka lut gaya zewar madad na ki tum ne Chhini ridaen jala ghar madad na ki tum ne

Shami jo shama-e-din-e-ilahi bujha chuke 1 Shami jo shama-e-din-e-ilahi bujha chuke Nari khiyam-e-Aal-e-Nabi jala chuke Malun sinan par sar-e-shuhada ke charha chuke Be-din Nabi ke kunbe ko qaidi bana chuke Tha bughz aisa Aal-e-Risalat-panah se Be-warison ko le chale maqtal ki rah se 2 Jab darmiyan ganj-e-shahidan hua guzar Aaye nazar azizon ke lashe lahu mein tar Sadme se be-kason ke larazne lage jigar Unton se Ahl-e-Bait gire kanp kanp kar Dar-pesh tha firaq jo un dil-nashinon se Lipata liya shahidon ke lashon ko sinon se 3 Lipti thi apne bete ke lashe se koi man Koi bahen thi bhai ke lashe pe nim-jan Darya ki samt thi koi zar-o-hazin rawan Koi pukarti thi mera bap hai kahan Ek sogwar khak urati thi dasht mein Kuchh dhundti hui chali jati thi dasht mein