Basta — Page 227

10 Us ne kaha yahi mere Baba hain, main fida Main dasht mein pukari phirti thi ja baja Baba kidhar hain, koi bata do mujhe Khuda Is lash ne pukara ke beti idhar ko aa Is ko miri fughan se aziat bari hui Main peetne lagi to ye laash uth khari hui

Namud-e-Sham-e-Ghariban hujum-e-afat hai 1 Namud-e-Sham-e-Ghariban hujum-e-afat hai Qadam qadam par naya gham nayi musibat hai Imam hain na Alamdar behr-e-nusrat hai Faqat jale hue khaime hain aur Itrat hai Haram hain fikr-o-taraddud mein sar jhukaye hue Jo sarparast the sote the sar kataye hue 2 Wo dasht-e-zulm, wo tanhai, wo andheri rat Wo fikr-o-yas, wo pyaron ke dagh, wo Sadat Nabi ki ruh hifazat ko, ya Khuda ki zat Bahen se Zainab-e-dilgir ne kahi ye bat Haram mein aap rahen yakson ki nusrat ko Main gird-e-khaima phirun rat bhar hifazat ko 3 Ye bat keh ke chalin Bint-e-Haider-e-Karrar Zaban par nala-o-faryad hath mein talwar Haram-sara se jo nikli wo muztar-o-nachar To dekha aata hai khaime ki samt ek sawar Pukarin Bint-e-Ali aur samt ja bhai Ye bargah-e-Nabi hai idhar na aa bhai