Basta — page 231 | Kalam Archive

View

Text sizeLine spacing

Original scan of Basta page 231 — Original book page

Roman Urdu

Urdu text

Likhte hain rawiyan-e-jigar-soz ye kalam 1 Likhte hain rawiyan-e-jigar-soz ye kalam Jab baad-e-asr kat gaya ran mein sar-e-Imam Lashkar se Ibn-e-Saad ye bola ba-waqt-e-Sham Manzur hai hamein ke yahin ho maqam Ek khaima istada huzur-e-nigah ho Shab-bash us mein Aal-e-Risalat-panah ho 2 Ek khaima tab alahida ran mein bapa hua Us mein hue muqim asiran-e-Karbala Taqsim fauj-e-Sham mein hone lagi ghiza Har qism ke taam muhayya the ja baja Asaish-e-taam thi har bad-khisal ko Aur faqa tisra tha Muhammad ki Aal ko 3 Sardar phir gaye Umar-e-Saad se tamam Aur aa ke Ibn-e-Saad se karne lage kalam Ji Chahta hai ab ke mitadein tira bhi naam naahaq tiri salah ke kaataa sar-e-imam tujh se shaqi ka saath diya aah kiya kya syed ka ham ne khun kiya aah kiya kya 4 Wo bola kuchh kaho to sahi main ne kya kiya Sab bole muttafiq tujhe gharat kare Khuda Ab kya karega naam-e-Nabi tu mita diya Bil-farz tujh ko Sibt-e-Nabi se bughz tha Syedaniyon se aab-o-ghiza ab jo dur hai Bechari bibiyon ka bhala kya qusur hai 5 Ye rahm hai Arab ki, hain agah is se sab Qaum-e-Arab mein marta hai jis ka aziz jab Khana use khilate hain samjha ke sab Arab Aur haziri bhi bhejte hain ghar mein waqt-e-shab Pyasa hai tin roz se kunba Batul ka Faqa na tuta aaj bhi Aal-e-Rasul ka 6 Ye zikr tha ke ek khabardar bola utha Han sach to hai, asiron pe ab rahm ki hai ja Jis dam main un ke khaime ke nazdik tha khara Nanhi si ek larki ne khana talab kiya Madar ne ro diya to wo be-as ho gayi Aakhir wo khane ke liye ro ro ke so gayi

لکھتے ہیں راویانِ جگر سوز یہ کلام ۱ لکھتے ہیں راویانِ جگر سوز یہ کلام جب بعدِ عصر کٹ گیا رن میں سَرِ امام لشکر سے ابنِ سعدؑ یہ بولا بوقتِ شام منظور ہے ہمیں کہ یہیں ہو مقام اک خیمہ ایستادہ حضورِ نگاہ ہو شب باش اُس میں آلِ رسالت پناہ ہو ۲ اک خیمہ تب علاوہ رن میں بپا ہُوا اُس میں ہوئے مقیم، اسیرانِ کربلا تقسیم فوجِ شام میں ہونے لگی غذا ہر قسم کے طعام مہیا تھے جا بجا آسائشِ طعام تھی ہر بد خصال کو اور فاقہ تیسرا تھا محمدؐ کی آل کو ۳ سردار پھر گئے عمرِ سعودؑ سے تمام اور آکے ابنِ سعودؑ سے کرنے لگے کلام جی چاہتا ہے اب کے مِٹادیں تِرا بھی نام ناحق تِری صَلاح کے کاٹا سرِ امام تجھ سے شقی کا ساتھ دیا آہ کیا کیا سید کا ہم نے خوں کیا آہ کیا کیا ۴ وہ بولا کچھ کہو تو سہی میں نے کیا کیا سب بولے متفق تجھے غارت کرے خدا اب کیا کرے گا نامِ نبیؐ تو مٹا دیا بالفرض تجھ کو سبطِ نبیؐ سے بغض تھا سیدانیوں سے آب و غذا اب جو دُور ہے بے چاری بیبیوں کا بھلا کیا قصور ہے ۵ یہ رحم ہے عرب کی، ہیں آگاہ اس سے سب قومِ عرب میں مرتا ہے جس کا عزیز جب کھانا اسے کھلاتے ہیں سمجھا کے سب عرب اور حاضری بھی بھیجتے ہیں گھر میں وقتِ شب پیاسا ہے تین روز سے کنبہ بتولؑ کا فاقہ نہ ٹوٹا آج بھی آلِ رسولؐ کا ۶ یہ ذکر تھا کہ ایک خبردار بولا اٹھا ہاں سچ تو ہے، اسیروں پہ اب رحم کی ہے جا جس دم میں ان کے خیمے کے نزدیک تھا کھڑا ننھی سی ایک لڑکی نے کھانا طلب کیا مادر نے رو دیا تو وہ بے آس ہوگئی آخر وہ کھانے کیلئے رو رو کے سوگئی