Basta — Page 238

Diyar-e-Kufa mein jab Aal-e-Mustafa aai 1 Diyar-e-Kufa mein jab Aal-e-Mustafa aai To ek khalq tamashe ko ja baja aai Rasul-e-Pak ki Itrat jo be-rida aai Sada-e-girya-e-Zahra-o-Murtaza aai Naya sitam tha ke rone ko ji tarasta tha Nabi ki Aal par patthar ka menh barasta tha 2 Haram ne pesh-e-darbar ki khabar jo suni Bula ke Shimr-e-lain ko pukarin Bint-e-Ali Suna hai sat sau kursi-nashin wahan hain shaqi Hamein rida to urha de ke hum hain Aal-e-Nabi Pukara hans ke sitamgar, ye ho nahin sakta Tumhein nasib ho chadar, ye ho nahin sakta 3 Ye sun ke Ahl-e-Haram dil par dagh kha ke chale Isi tarah se wo nachar sar jhuka ke chale Hujum-e-aam mein dukh seh ke gham utha ke chale Lain ki bazm mein munh chhupa ke chale Dar-e-Amir par kya kya na shor-o-shar dekha Likha hai wan sar-e-Muslim lahu mein tar dekha 4 Wo farq dekh ke boli ye Zainab-e-nachar Mere gharib baradar, main tere sar ke nisar Magar Husain ke sar se huin ankhen char Qarib aa ke thama Syed-e-Abrar Nida ye aai ke Ya Shah Assalam Alaik Ali-o-Fatima ke mah Assalam Alaik 5 Pas-e-fana bhi in afat mein ghira Maula Ke bam se be-tan-e-be-sar hara Maula Bandha tha paon mein rassi ka ek hara Maula Tamam shahr mein lashe khincha phir hara Maula Khabar dagha ki Imam-e-Ghayur tak na gayi Huzur ki meri arzi, Huzur tak na gayi 6 Main likh chuka tha ke Shabbir ki samt jayen Huzur Khuda ke waste tashrif yan na layen Huzur Sipah-e-zulm se dhoka kahin na khayen Huzur Dagha mein taq hain, koi idhar na aayen Huzur Likha tha ye bhi ke bachche buka mein par gaye hain Jo sath aaye the donon yahan bichhar gaye hain