Basta — Page 237

Yun raqam karta hai ek rawi-e-maghmum-o-figar 1 Yun raqam karta hai ek rawi-e-maghmum-o-figar Pahuncha jab qafila Kufe mein ba-hal-e-nadar Dekhta hai ke sar kuchh hain nezon par sawar Ek sar ghore ki gardan mein bandha hai nachar Puchha kyun gardan-e-rahwar mein is ko bandha Kis khata par ise neze ke na qabil samjha 2 Jurm tha kaun sa zulfon ko jo is ki bandha Sun ke sar pit liya aur ye Abid ne kaha Kya sunaun tujhe ahwal main gham ka mara Yun to mashhur hai ye chand Bani Hashim ka Bhai kehte the Shahanshah-e-Madina un ko Aaj sab kehte hain Saqqa-e-Sakina un ko 3 Shimr ne jabke charhaya tha unhein neze par Sab ne dekha ke phiri charon taraf un ki nazar Thartharane laga khurshid sifat naize par Gir para kaanp ke phir sar ye zameen ke uupar Dusri martaba phir sar ko buland us ne kiya Phir usi tarah sar-e-pak zamin par aaya 4 Tisri martaba phir sar na zamin se utha Aaya ghabraya hua pas mere aur ye kaha Kya sabab hai jo na neze ke upar thehra Taziyane bhi lagata mujhe laya us ja Main ne sar rakh diya apna jo zamin ke upar Aai awaz ke sun ay mere mazlum pisar 5 Hum nahin chahte neze ki sawari beti Mere maula ke na rutbe ko laeen kuch samjha Sar mera rakhte hain Aqa ke barabar aada Ek ja kaise baham hon ye ghulam-o-Aqa Pichhe pichhe hi raha karta hai ghulam, Aqa ke Kaise mumkin hai barabar hon Shah-e-wala ke 6 Dusri wajah ye hai sar jo charhe neze par Sar-e-Bint-e-Ali samne aati hai nazar Kanp uthta hun main ghairat se mere rashk-e-qamar Haif hai jin ko farishton ne na dekha bahar Haye kis tarah se Zainab ko khule sar dekhun Ankh jal jaye jo miqna-o-chadar dekhun