Basta — page 266 | Kalam Archive

View

Text sizeLine spacing

Original scan of Basta page 266 — Original book page

Roman Urdu

Urdu text

4 Bhaiya zara Rubab ki halat to dekhiye Kaisi udas hai ye surat to dekhiye Dil khun, zaban khamosh, ye himmat to dekhiye Har gam marg-e-taza qayamat to dekhiye Dukhiya pe kaise kaise masaib guzar gaye Waris bhi sar se uth gaya bachche bhi mar gaye 5 Is waqt kuchh ajib tha alam Rubab par Gardan jhukaye baithi thi duniya se be-khabar Shana hila ke boli jo Zainab ba-chashm-e-tar Yak-lakht jaise chaunk uthi dekha utha ke sar Bas itna keh saki ke bahut din guzar gaye Aaye the sath bap ke Asghar kidhar gaye 6 Is nala-e-Rubab pe mahshar bapa hua Ashur ka saman tha nazar mein khincha hua Har ankh mein tha chehra-e-Asghar basa hua Godi mein jaise bap ka munh dekhta hua Qabr-e-Husain karb se tharra ke reh gayi Parchhain jaise maut ki lehra ke reh gayi

۴ بھیا ذرا ربابؑ کی حالت تو دیکھئے کیسی اداس ہے یہ صورت تو دیکھئے دل خُوں، زباں خموش، یہ ہمت تو دیکھئے ہر گام مرگِ تازہ قیامت تو دیکھئے دُکھیا پہ کیسے کیسے مصائب گزر گئے وارث بھی سَر سے اُٹھ گیا بچے بھی مر گئے ۵ اِس وقت کچھ عجیب تھا عالم ربابؑ پَر گردن جُھکائے بیٹھی تھی دنیا سے بے خبر شانہ ہلا کے بولی جو زینبؑ بہ چشمِ تَر یک لخت جیسے چونک اٹھی دیکھا اُٹھا کے سَر بس اتنا کہہ سکی کہ بہت دن گزر گئے آئے تھے ساتھ باپ کے اصغرؑ کدھر گئے ۶ اس نالہ ربابؑ پہ محشر بپا ہُوا عاشور کا سماں تھا نظر میں کھنچا ہُوا ہر آنکھ میں تھا چہرۂ اصغرؑ بسا ہُوا گودی میں جیسے باپ کا منہ دیکھتا ہُوا قبرِ حسینؑ کرب سے تھرا کے رہ گئی پرچھائیں جیسے موت کی لہرا کے رہ گئی

Jab chhut ke qaid-e-Sham se Sajjad ghar chale 1 Jab chhut ke qaid-e-Sham se Sajjad ghar chale Raste mein Karbala ne sada di ke idhar chale Dasht-e-bala mein chhor ke lash-e-pidar chale Abid na chahte the ke jayen, magar chale Paiham dua thi taqat-e-zabt-e-fughan rahe Sughra zarur puchhegi Baba kahan rahe 2 Zar zar ke sochte the use kya batayenge Kaise kahenge: Bibi ab Akbar na aayenge Tum bhi bhula do, hum bhi unhein bhul jayenge Waqt aayega to khud tumhein Baba batayenge Keh den abhi Rubab se aage na aaiye Bachchi machal na jaye ke Asghar ko laiye 3 Umm-ul-Banin puchhengi apne jari ka hal Kis shan se lara sar-e-maidan Ali ka lal Kitna parega jang ka Ghazi ki kya sawal Un ko to sirf aab-rasani ka tha khayal Izn-e-difa mila hi kahan is dilir ko Zanjir se Imam ne pakra tha sher ko

جب چھوٹ کے قیدِ شام سے سجادؑ گھر چلے ۱ جب چھوٹ کے قیدِ شام سے سجادؑ گھر چلے رستے میں کربلا نے صدا دی کہ ادھر چلے دشتِ بلا میں چھوڑ کے لاشِ پدر چلے عابدؑ نہ چاہتے تھے کہ جائیں، مگر چلے پیہم دعا تھی طاقتِ ضبطِ فغاں رہے صغرا ضرور پوچھے گی بابا کہاں رہے ۲ زر زر کے سوچتے تھے اسے کیا بتائیں گے کیسے کہیں گے: بی بی اب اکبرؑ نہ آئیں گے تم بھی بھلادو، ہم بھی انہیں بھول جائیں گے وقت آئے گا تو خود تمہیں بابا بتائیں گے کہہ دیں ابھی ربابؑ سے آگے نہ آئیے بچی مچل نہ جائے کہ اصغرؑ کو لائیے ۳ ام البنینؑ پوچھیں گی اپنے جری کا حال کس شان سے لڑا سرِ میدان علیؑ کا لال کتنا پڑے گا جنگ کا غازی کی کیا سوال ان کو تو صرف آب رسانی کا تھا خیال اذنِ دفاع ملا ہی کہاں اس دلیر کو زنجیر سے امام نے پکڑا تھا شیر کو