Basta — Page 267

4 Dam bhar mein faisla tha kul fauj-e-Sham ka Pani gaye the lene, so wo bhi na mil saka Mashkiza wapas aaya to rangin tha ja baja Wada tha bhar ke lane ka pura bhi kar diya Mashkiza Sakina mein khun apna bhar diya 5 Dekha jo ye Sakina ne, aaye nahin chacha Mashkiza wapas aaya hai aur wo bhi khun bhara Ye hadisa kaleje ka nasur ban gaya Zindan mein bhi bachchi hi ka din rat zikr tha Samjhaya har tarah, na magar be-kali gayi Aakhir chacha ke pas bhatiji chali gayi Jab chhut ke qaid-e-Sham se Sajjad ghar chale Saril Shah Har ghari rehte hain har ranj-o-bala se mahfuz Ghar mein Maula ka aza-khana sajane wale Iltimas Surah Fatiha baraye isal-e-sawab [Asma safhe par darj hain]

Chhut kar jab aaya Sham se kunba Rasul ka 1 Chhut kar jab aaya Sham se kunba Rasul ka Yasrib ke zarre zarre ne ek zakhm-e-nau diya Aaye jo Ibn-e-Jafar-e-Tayyar ba-safa Ek tir sa kaleje mein Abid ke gar gaya Zainab to dur hat gayin munh ko chhupa liya Abid ne apne pas chacha ko bitha liya 2 Abid ne aah bhar ke suye khaima nigah [Ek misra juzwi taur par ghair wazeh] Jafar ke sher ne jo suni aah-e-pur-asar Hath apna pyar se rakha Abid ki pusht par Farmaya yun tarap ke na aah-o-fughan karo Beta jo dukh uthaye hain mujh se bayan karo 3 Abid ka dil bhar aaya chacha se lipat gaye Pahunchi jo thes pusht ke sab zakhm phat gaye Bahne laga lahu to jhuk kar simat gaye Ghabra ke Ibn-e-Jafar-e-Tayyar hat gaye Bole ye zakhm kaise hain kya majra hua Abid Khuda ke waste bolo ye kya hua