Basta — Page 280

Bimar jabke Ahmad-e-Mukhtar ho gaye 1 Bimar jabke Ahmad-e-Mukhtar ho gaye Dushman zyada dar-pay-e-azar ho gaye Zahr-e-sitam ke maut ke asar ho gaye Sadme utha ke jine se bezar ho gaye Ghul tha jahan se Naib-e-Dawar ka koch hai Afsos suye khuld Payambar ka koch hai 2 Ghar mein Khuda ke qatl hua rozadar, haye Haye Imam, haye Zulfiqar, haye Ay razdar-e-Haq, Shah-e-taat-guzar, haye Maulid Haram mein hai to Najaf mein mazar, haye Ye bandagi nisar-e-Janab-e-Amir ke Nikle to ghar se Khuda-e-Qadir ke 3 Laya tha zahr mein jo jafa puchha ke tegh Maula gire zamin pe masjid mein kha ke tegh Ghul par gaya ke sar pe lagi Murtaza ke tegh Khai Khuda ke sher ne ghar mein Khuda ke tegh Gehra hai zakhm, farq-e-Imam-e-Hijaz par Sar se tapak raha hai lahu jaye-namaz par 4 Sher-e-Khuda jo hathon se thame the apna sar Khun donon kuhniyon se tapakta tha khak par Bhaga jo Ibn-e-Muljim-e-bad-khu-o-bad-guhar Pichha use Ali ke muhibbon ne daur kar Laye jo hath bandh ke Maula ke samne Qatil ye muskura ke nazar ki Imam ne 5 Farmaya main ne kaun si thi teri buri khata Padash-e-nekiyon ki jahan mein yahi hai kya Kya main bura tha ay bani-e-jafa Roya wo sar jhuka ke to Maula ne ye kaha Is dard mein bhi sab ke maraz ki dua hun main Bandho na is hath ko ke Mushkil-kusha hun main 6 Laye pisar jo ghar mein to ghash the Imam-e-Pak Karte the aah aah ba-awaz-e-dardnak Chehra lahu mein tar tha, bhawon tak jabin-e-pak Zahra ki betiyon ne urai saron pe khak Dekha jo sar ka zakhm jigar thartharane laga Abbas Namdar ki man ko ghash aa gaya Khun donon kuhniyon se tapakta tha khak par