Basta — Page 279
View
Roman Urdu
Urdu text
Aaya Bahisht-e-Qurb-e-Nabi ka dam-e-wisal
1
Aaya bahut qarib Nabi ka dam-e-wisal
Shiddat se tap ke ab mere Maula ka hai ye hal
Jalta hai jism zof-o-naqahat bhi hai kamal
Paiham maraz ka hai ye ishara ba-sad-malal
Rukhsat hain ab jahan se Baba-e-Fatima
Hum bhi sharik-e-gham hain tere haye Fatima
2
Beti ke the ye bain ke Baba kidhar gaye
Meraj ko sidhare ke Khaliq ke ghar gaye
Jannat basai aur mujhe barbad kar gaye
Aao Hasan Husain ke Nana guzar gaye
Gardish ka rukh ghazab hai meri samt phir para
Dauro Madine walo falak mujh pe gir para
3
Ay mere faqa-kash mere nadar Baba jaan
Bewaon be-kason ke madadgar Baba jaan
Hai hai ujar gayi meri sarkar Baba jaan
Bachche tarap rahe hain karo pyar Baba jaan
Baba mere Hasan ko gale se lagaiye
Baba Husain rota hai uth kar manaiye
4
Kha kar pachharen roti thin Ali ki jo zar zar
Paiham sada ye aati kanon mein bar bar
Zahra mere kaleje ke tukre, tere nisar
Nana ke donon raj-dularon se ho hoshiyar
Mere Hasan Husain ki shadi rachaiyo
Sehre bandhe hon to meri turbat pe laiyo
Aaya Bahisht-e-Qurb-e-Nabi ka dam-e-wisal
(Nasim Amrohvi)
آیا بہشتِ قربِ نبیؐ کا دمِ وصال
۱
آیا بہت قریب نبیؐ کا دَمِ وصال
شدت سے تپ کے اب مرے مولا کا ہے یہ حال
جلتا ہے جسم ضعف و نقاہت بھی ہے کمال
پیہم مرض کا ہے یہ اشارہ بصد ملال
رخصت ہیں اب جہاں سے بابائے فاطمہؑ
ہم بھی شریکِ غم ہیں ترے ہائے فاطمہؑ
۲
بیٹی کے تھے یہ بین کہ بابا کدھر گئے
معراج کو سدھارے کہ خالق کے گھر گئے
جنت بسائی اور مجھے برباد کر گئے
آؤ حسنؑ حسینؑ کہ ناناؐ گزر گئے
گردش کا رُخِ غضب ہے مری سمت پھر پڑا
دَوڑو مدینے والو فلک مجھ پہ گِر پڑا
۳
اے میرے فاقہ کش مرے نادار بابا جاں
بیواؤں بے کسوں کے مددگار بابا جاں
ہے ہے اجڑ گئی مری سرکار بابا جاں
بچے تڑپ رہے ہیں کرو پیار بابا جاں
بابا مرے حسنؑ کو گلے سے لگایئے
بابا حسینؑ روتا ہے اُٹھ کر منایئے
۴
کہا کر پچھاڑیں روتی تھیں علیؑ کی جو زار زار
پیہم صدا یہ آتی کانوں میں بار بار
زہراؑ مرے کلیجے کے ٹکڑے، ترے نثار
نانا کے دونوں راج دلاروں سے ہو ہوشیار
میرے حسنؑ حسینؑ کی شادی رچائیو
سہرے بندھی ہوں تو مری تربت پہ لائیو
آیا بہشتِ قربِ نبیؐ کا دمِ وصال
(نسیم امروہوی)