Basta — page 284 | Kalam Archive

View

Text sizeLine spacing

Original scan of Basta page 284 — Original book page

Roman Urdu

Urdu text

Baba ko rote rote jo Zahra guzar gayin 1 Baba ko rote rote jo Zahra guzar gayi Ghul par gaya ke Bint-e-Nabi koch kar gayi Faqon ke ranj seh ke Huzur-e-pidar gayi Mahbub-e-Kibriya ki azadar mar gayi Atharwin baras mein ye afat dikhai hai Aal-e-Nabi ko charkh ne luta duhai hai 2 Sibtain ghar mein aaye jo betab-o-be-qarar Asma se puchhne lage Amman ka hal-e-zar Wo boli nind aai hai shukr-e-Kirdigar Khana to jald kha lo ke bhuke ho, main nisar Bole ke chain dega zamana to khayenge Amman hamein khilayengi khana to khayenge 3 Ye sun ke be-qarar hui wo jigar-figar Chadar zamin pe phenk ke chillai bar bar Bachche hain un ko sabr de ay mere Kirdigar Ab wo khilane wali marah guzar gayi Pyaron tumhari palne wali guzar gayi Khaoge kis ke hath se Amman to mar gayi 4 Sher-e-Khuda the muztar-o-maghmum ek taraf Sar pitti thin Zainab-o-Kulsum ek taraf Pakre the dil ko Syed-e-Masum ek taraf [Ek misra juzwi taur par ghair wazeh] Haider qarib aaye to ek khat nazar para Tarpe kuchh is tarah ke amama utar para 5 Likha tha ye ke aakhri mujra qubul ho Ya Shah, tum Wasi-e-Janab-e-Rasul ho Sadqa-e-Huzur ka, mera maqsad husul ho Munh se na keh saki ke hazin-o-malul ho Meri wasiyatein na faramosh kijiyo Awwal ye hai ke aap mujhe ghusl dijiyo 6 Duwam ye hai ke shab mein janaza uthaiye Murde ka saya bhi na kisi ko dikhaiye Yan tak ke qabr bhi na kisi ko bataiye Sau sau jagah nishan-e-lahad ka banaiye Suwam ye hai ke pas yatimon ka kijiyo Shafqat se boliye na kabhi ghurki na dijiyo

بابا کو روتے روتے جو زہرا گزر گئیں ۱ بابا کو روتے روتے جو زہراؑ گزر گئی غل پڑ گیا کہ بنتِ نبیؐ کوچ کر گئی فاقوں کے رنج سہہ کے حضورِ پدر گئی محبوبِ کبریا کی عزادار مر گئی اٹھارویں برس میں یہ آفت دکھائی ہے آلِ نبیؐ کو چرخ نے لُوٹا دُہائی ہے ۲ سبطینؑ گھر میں آئے جو بیتاب و بے قرار اسماءؑ سے پوچھنے لگے اماں کا حالِ زار وہ بولی نیند آئی ہے شکرِ کردگار کھانا تو جلد کھالو کہ بھوکے ہو، میں نثار بولے کہ چین دے گا زمانہ تو کھائیں گے امّاں ہمیں کھلائیں گی کھانا تو کھائیں گے ۳ یہ سُن کے بے قرار ہوئی وہ جگر فگار چادر زمیں پہ پھینک کے چلائی بار بار بچے ہیں ان کو صبر دے اے میرے کردگار اب وہ کھلانے والی مراہ گزر گئی پیاروں تمہاری پالنے والی گزر گئی کھاؤ گے کس کے ہاتھ سے اماں تو مر گئی ۴ شیرِ خدا تھے مضطر و مغموم اک طرف سَر پیٹتی تھیں زینبؑ و کلثومؑ اک طرف پکڑے تھے دل کو سیّدِؑ مسوم اک طرف [ایک مصرع جزوی طور پر غیر واضح] حیدرؑ قریب آئے تو اک خط نظر پڑا تڑپے ©چھ اِس طرح کہ عمامہ اُتر پڑا ۵ لکھا تھا یہ کہ آخری مجرا قبول ہو یا شاہؑ، تم وصیِ جنابِ Rasulولؐ ہو صدقۂ حضور کا، مرا مقصد حصول ہو منہ سے نہ کہہ سکی کہ حزیں و ملول ہو میری وصیتیں نہ فراموش کیجیو اول یہ ہے کہ آپ مجھے غسل دیجیو ۶ دوم یہ ہے کہ شب میں جنازہ اٹھائیے مردے کا سایہ بھی نہ کسی کو دکھائیے یاں تک کہ قبر بھی نہ کسی کو بتائیے سوسو جگہ نشانِ لحد کا بنائیے سوم یہ ہے کہ پاس یتیموں کا کیجیو شفقت سے بولیے نہ کبھی گھڑکی نہ دیجیو