Basta — Page 285

7 Tahrir ka ye pas kiya Bu Turab ne Zahra ko shab mein dafn kiya dil-kabab ne Ghairon se qabr ko bhi chhupaya Janab ne Par kya iwaz liya falak-e-be-hijab ne Yun Zainab-e-hazin se jahan ki nazar phirin Madar to shab ko dafn ho, wo nange sar phirin Asif Abidi Baraye madhat-e-Haider hayat chhoti hai Hayat kya hai ke ye kainat chhoti hai Ali ko Mazhar-e-Yazdan kahun to dil ye kahe Ba-etibar-e-aqidat ye bat chhoti hai (Bashukriya soz-o-salam khwan Husain Taqvi o Qasim Ali)

Jab khalq se waqt-e-safar Fatima aaya 1 Jab khalq se waqt-e-safar Fatima aaya Tab Zainab-o-Shabbir ko pas apne bulaya Roin bahut aur beti ko sine se lagaya Zainab ke diya hath mein hath aur ye sunaya Ay Zainab be-kas meri daulat se khabardar Mahbub-e-Ilahi ki amanat se khabardar 2 Beti ise Zahra ne bare dukh se hai pala Ye ruh mere jism ki gesuon wala Samjhi ise kabhi ghar ka ujala Hujre se kabhi garm hawa mein na nikala Soi hun to pahle ise sine pe sula kar Chakki bhi jo pisi hai to godi mein lita kar 3 Ay ladli is lal ka dushman hai zamana Shabbir ko mere nazar-e-bad se bachana Taklif bhi seh lijiyo ise bhi uthana Sadqe gayi madar ki wasiyat na bhulana Har ranj mein is bhai ke kam aaiyo Zainab Jaye ye jidhar sath chali jaiyo Zainab