Basta — Page 297
View
Roman Urdu
Urdu text
Zahr-e-dagha se ghair jo hal Hasan hua
1
Zahr-e-dagha se ghair jo hal-e-Hasan hua
Khanjar jigar pe Zainab-e-muztar ke chal gaya
Kulsum ro ke kehne lagin Wa Muhammada
Abbas ne bhi chak-e-gareban kar liya
Tabir-e-khwab soch ke be-tab hote hain
Shabbir ka hal dekh ke Shabbir rote hain
2
Dard-e-jigar barha to pukare Shah-e-Zaman
The ho gi tum bhi utha lao ay bahen
Zainab ne la ke samne jis dam rakha ye dam
Thame hue kaleje ko us par jhuke Hasan
Kat kat ke qalb-e-Syed-e-wala nikal para
Yaqut-e-man ke munh se kaleja nikal para
3
Zainab ke bain sun ke mukhatab hue Imam
Dar-e-fana mein zist ki muddat hui tamam
Jana hai mujh ko Nana ki khidmat mein la-kalam
Rona likha hai tere muqaddar mein subh-o-sham
Mili na ro ke phatta hai dil tere bain se
Tujh ko abhi bichharna hai bhai Husain se
4
Pesh-e-nazar hai marka-e-dasht-e-Karbala
Kam aayenge Husain ke jab khwesh-o-aqraba
Dekhegi tu Husain ka katta hua gala
Khaime jalenge aur chhinengi teri rida
Tu sar barahna jayegi bazar-e-Sham mein
Bulwayega shaqi tujhe darbar-e-aam mein
5
Ye bat sun ke ro diye Mazlum-e-Karbala
Shabbir ko Hasan ne gale se laga liya
Taskin de ke phir ye pukare Shah-e-Huda
Roo na tum ke hai yahi Mabud ki raza
Bhai tumhari tarah mera bakht to nahin
Ashur se Hasan ka ye din sakht to nahin
6
Ek bat tum se kehta hun ay mere sogwar
Hasrat ye hai ke Nana ke pahlu mein ho mazar
Lekin agar ummat-e-Ahmad ko nagawar
Tum ko hai mere Haq ki qasam Shah-e-Namdar
Larna na tum kisi se ke taswir-e-sabr ho
Manzur hai ke pahlu-e-madar mein qabr ho
Zahr-e-dagha se ghair jo hal Hasan hua
زہرِ دغا سے غیر جو حال حسنؑ ہوا
۱
زہرِ دغا سے غیر جو حالِ حسنؑ ہُوا
خنجر جگر پَہ زینبِؑ مضطر کے چل گیا
کلثومؑ رو کے کہنے لگیں وا محمداؐ
عباسؑ نے بھی چاکِ گریباں کر لیا
تعبیرِ خواب سوچ کے بے تاب ہوتے ہیں
شبیرؑ کا حال دیکھ کے شبیرؑ روتے ہیں
۲
دردِ جگر بڑھا تو پکارے شہِ زمن
تھے ہو گی تم بھی اٹھا لاؤ اے بہن
زینبؑ نے لا کے سامنے جس دَم رکھا یہ دَم
تھامے ہوئے کلیجے کو اُس پَر جُھکے حسنؑ
کٹ کٹ کے قلبِ سیّدِ والا نکل پڑا
یاقوتِ مَن کے منہ سے کلیجہ نکل پڑا
۳
زینبؑ کے بین سُن کے مخاطب ہوئے امام
دارِ فنا میں زیست کی مدت ہوئی تمام
جانا ہے مجھ کو ناناؐ کی خدمت میں لا کلام
رونا لکھا ہے تیرے مقدر میں صبح و شام
ملی نہ رو کہ پھٹتا ہے دل تیرے بین سے
تجھ کو ابھی بچھڑنا ہے بھائی حسینؑ سے
۴
پیشِ نظر ہے معرکہِ دشتِ کربلا
کام آئیں گے حسینؑ کے جب خویش و اقربا
دیکھے گی تو حسینؑ کا کٹتا ہُوا گلا
خیمے جلیں گے اور چھنیں گی تری ردا
تو سَر برہنہ جائے گی بازارِ شام میں
بلوائے گا شقی تجھے دربارِ عام میں
۵
یہ بات سُن کے رو دیئے مظلومِ کربلا
شبیرؑ کو حسنؑ نے گلے سے لگا لیا
تسکین دے کے پھر یہ پکارے شہِ ہدیٰ
روؤ نہ تم کہ ہے یہی معبود کی رضا
بھائی تمہاری طرح مرانختِ تو نہیں
عاشور سے حسنؑ کا یہ دن سخت تو نہیں
۶
اک بات تم سے کہتا ہوں اے میرے سوگوار
حسرت یہ ہے کہ ناناؐ کے پہلو میں ہو مزار
لیکن اگر اُمتِ احمدؐ کو ناگوار
تم کو ہے میرے حقِ قسم شاہِ نامدار
لڑنا نہ تم کسی سے کہ تصویرِ صبر ہو
منظور ہے کہ پہلوئے مادرؑ میں قبر ہو
زہرِ دغا سے غیر جو حال حسنؑ ہوا