Basta — Page 305

Bal bikhra den ghulaman-e-Rasul-e-do-jahan 1 Bal bikhra den ghulaman-e-Rasul-e-do-jahan Baqir-e-ilm ki rehlat ka sunata hun bayan Tha jo Zaid Ibn-e-Hasan masnad-e-jad ka khwan Mil gaya ja ke Khalifa se shaqi-e-dauran Sham se khub ye saughat wo pur-fan laya Nazr ko zahr-bhare zin ka tausun laya 2 Jaise hi rakhsh pe aswar hue Shah-e-Zaman Asar-e-zahr se larzane laga gul sa badan Boli qismat ke nawase ko mila wirs-e-Hasan Dafatan kanp gaya Bint-e-Nabi ka madfan Aai awaz ke phir khasta-jigar ko luta Charkh ne phir mere Shabbir ke ghar ko luta 3 Zin-e-pur-zahr se utre to charhate pe qadam Bole Jafar se ke bachche ke nahin hain ab hum Kis ke ye ghar mein bacha hasrat hua wo hum Surat-e-Zainab-o-Kulsum tarapte the Haram Shor tha khalq se Maula-e-man jate hain Aaj phir Fatima ke ghar se Husain jate hain 4 Tisre din jo kiya zahr ne had darja nidhal Bole ye Jafar-e-Sadiq se ke ay waris-e-Aal Azim-e-khuld hai ye Abd-e-Khuda, ay khush-khisal Ab zara jam-e-aram utha lo mere lal Ay chadar-e-kafan mujh ko pehnana beta Pas Baba ke meri qabr banana beta 5 Hashr barpa hai Madine mein qayamat hai qarib Baqir-e-ilm-e-Nabi ka dam-e-rehlat hai qarib Fatima pit-ti hain sar ko, wo afat hai qarib Ruh-e-Shabbir tarapti hai, shahadat hai qarib Kaaba rone ke liye Aal ke ghar aa pahuncha Asar-e-zahr-e-dagha ta-ba-jigar aa pahuncha 6 Lo ye kaun aaye ke zurriyat ko dam ankhon mein laga Kis ki taslim ko ye hath utha Baqir ka Kaun ye Bibi hain karti hui ankhen jo buka Ghar mein sab rone lage, Aal mein kohram macha Shabbar-o-Haider-o-Zahra-o-Nabi rote hain Apne pote ko Husain Ibn-e-Ali rote hain