Basta — Page 304

Jab Abid-e-be-kas ko payam-e-ajal aaya 1 Jab Abid-e-be-kas ko payam-e-ajal aaya Duniya se dagha-bazi ki niyyat mein bal aaya Wo zahr diya jis se sukun mein khalal aaya Manind-e-Hasan kat ke kaleja nikal aaya Zalim ne mariz-e-Shah-e-dilgir ko mara Shabbir ki tarah dilbar-e-Shabbir ko mara 2 Aulad-e-Payambar pe musibat ka ye din hai Pyase ke azadar ki rehlat ka ye din hai Mazlum ke dilbar ki shahadat ka ye din hai Ashur ke baad musibat ka ye din hai Is gham se jigar chak hai Zahra-o-Nabi ka Utha hai azadar-e-Husain Ibn-e-Ali ka 3 Wo zahr se dam-e-Abid-e-be-kas ka ukharna Sajjad dil-figar ka Baqir se bichharna Bigri hui taqdir-e-gharibon ki bigarna Ujra hua ghar Fatima Zahra ka ujarna Viran hua darbar-e-Wali Ibn-e-Wali ka Bujhta hai chiragh aaj Husain Ibn-e-Ali ka 4 Al-qissa wuzu kar ke musalle pe jab aaye Dahshat se badan kanp gaya ashk bahaye Sajjad pe sajde mein pasine mein nahaye Hil mil gaya gardun jo lab-e-pak hilaye Awaz ye aati thi Shah-e-Karb-o-Bala ki Ye taat-e-akhir hai mere zamin-e-Aba ki 5 Wo nisf-e-shab aur razi-e-taqdir ka sajda Nur-e-nazar-e-kushta-e-shamshir ka sajda Paigham-e-ajal tha wo dilgir ka sajda Jis tarah Ashur ko Shabbir ka sajda Uthe jo musalle se to ghash kar gaye Sajjad Hai hai mere baliya kaha aur mar gaye Sajjad Zahid Taqvi Zahid main yahan Nad-e-Ali parhta hun din mein Awaz pahunch jati hai Abbas Ali tak [Iltimas Surah Fatiha baraye isal-e-sawab]