Basta — Page 310
View
Roman Urdu
Urdu text
7
Shor-e-ghul sun ke Sulaiman mahal se nikla
Hal tab Musa Kazim ki shahadat ka suna
Apne beton ko nida di ke are sakte ho kya
Chhin lo lasha-e-Maula ko Gharib-ul-Ghuraba
Jaan par khel ke tab us ke jigarbandon ne
Le liya Kazim ka tabut ko farzandon ne
8
Shahr jo tut pare bhai gaye dushman-e-Arab
Ki Sulaiman ne munadi ke ghayuran-e-Arab
Haye mara gaya wo Shah ba-sad ranj-o-taab
Jis ke Nana hain Nabi, Musa Kazim hai laqab
Sun ke ye aahon ke nare se gharon se nikle
Sar khule shahr ke azadar gharon se nikle
9
Ghusl-e-mayyat ko jo takhte pe utare gaye Shah
Zer-e-beriyan thi zindan ki takhti hamrah
Paye wo tauq-e-giran aur wo zanjiren aah
Jism-e-murda ke ye zewar hain shaqawat ke gawah
Log kehte the Musalman wo shaqi kaisa hai
Jis ne zanjiron mein lashe ko jakar rakha hai
10
Lash turbat mein utari to ba-sad shewan-o-shain
kisi Bibi Bibi ne kaha haye mere nur-e ain
Us ko dekha na kisi ne bhi, sab ne ye yaqin
Ay mere Kazim-e-Mazlum, azadar-e-Husain
Yaad mein pyason ki munh ashkon se dhone wale
Alwida ay mere Shabbir ke rone wale
۷
شورِ غل سن کے سلیمان محل سے نکلا
حال تب موسیٰ کاظمؑ کی شہادت کا سنا
اپنے بیٹوں کو ندا دی کہ ارے سکتے ہو کیا
چھین لو لاشۂ مولا کو غریب الغربا
جان پر کھیل کے تب اُس کے جگر بندوں نے
لے لیا کاظمؑ کا تابوت کو فرزندوں نے
۸
شہر جو ٹوٹ پڑے بھائی گئے دشمنِ عرب
کی سلیمان نے منادی کہ غیورانِ عرب
ہائے مارا گیا وہ شاہ بصد رنج و تعب
جس کے نانا ہیں نبیؐ، موسیٰ کاظمؑ ہے لقب
سن کے یہ آہوں کے نعرے سے گھروں سے نکلے
سر کھلے شہر کے عزادار گھروں سے نکلے
۹
غسلِ میت کو جو تختے پہ اتارے گئے شاہ
زیرِ بیڑیاں تھی زندان کی تختی ہمراہ
پائے وہ طوق گراں اور وہ زنجیریں آہ
جسمِ مردہ کے یہ زیور ہیں شقاوت کے گواہ
لوگ کہتے تھے مسلماں وہ شقی کیسا ہے
جس نے زنجیروں میں لاشے کو جکڑ رکھا ہے
۱۰
لاش تربت میں اتاری تو بصد شیون و شین
کسی بی بی نے کہا ہائے مرے نورِ عین
اس کو دیکھا نہ کسی نے بھی، سب نے یہ یقیں
اے مرے کاظمؑ مظلوم، عزادار حسینؑ
یاد میں پیاسوں کی منہ اشکوں سے دھونے والے
الوداع اے مرے شبیرؑ کے رونے والے