Basta — page 311 | Kalam Archive

View

Text sizeLine spacing

Original scan of Basta page 311 — Original book page

Roman Urdu

Urdu text

Waris-e-Sabir-o-Shakir the jo razi ba-raza 1 Waris-e-Sabir-o-Shakir the jo razi ba-raza Maut se the na harasan, na gham-e-zahr-e-jafa Phir bhi ehsas-e-ghurbat ke ajab alam tha yaad aata tha gharib altin mein kya kya Kabhi Shabbir ke rauze pe nazar jati thi Kan mein haye Husaina ki sada aati thi 2 Kabhi Dada ke Najaf mein tha kaleja pe malal Kabhi Dadi ke Baqi ki judai mein nidhal Kabhi Baghdad mein Baba ki lahad par be-hal Kabhi rauze se Payambar ke bichharne ka malal Dar-o-diwar Madina kabhi yaad aate hain Haye Nana ka watan keh ke tarap jate hain 3 Shakl dekhi thi na parde mein jis bete ki Us ki taswir bhi reh reh ke jhalakti thi Dil mein arman the, nigahon mein gham-e-mazi Mayyat-e-Shabbar ke qarib aur bahut dur Taqi Yaad farzand-e-dil-zar ko har aati thi Jaise Sughra Shah-e-Mazlum ko yaad aati thi 4 Wahan aata tha kabhi karb mein us khwahar ka Surat-e-Zainab-e-Kubra thi jo bhai pe fida Sochte the ke wo hote to ye un se kehta [Ek misra juzwi taur par ghair wazeh] Sarparast us ki tumhi meri jagah par ab ho [Ek misra juzwi taur par ghair wazeh] 5 In khayalat-e-gham-angez mein paiham jo ghar se Ashk ankhon se bahe, rish-e-mubarak pe gire Kufa-o-Sham ke bazar nigahon mein phire Maut ne tham liye tar-e-rag-e-jaan ke sire Chal base Kazim-e-hasti se hamare Maula Gham ko rote hue duniya se sidhare Maula 6 Yan hua Fatima ka lal Muharram mein masmum Aur wahan kab se Madine mein bahen thi maghmum Go azizon mein hua zahir ka talluq madum Dil ko ho jata hai sab hal kahin se malum Muztarib thi gham-e-furqat ke safine mein bahen Tus mein bhai tarapta tha, Madine mein bahen Waris-e-Sabir-o-Shakir the jo razi ba-raza Nasim Amrohvi

وارثِ صابر و شاکر تھے جو راضی بہ رضا ۱ وارثِ صابر و شاکر تھے جو راضی بہ رضا موت سے تھے نہ ہراساں، نہ غمِ زہرِ جفا پھر بھی احساسِ غربت کے عجب عالم تھا یاد آتا تھا غریب الوطن میں کیا کیا کبھی شبیرؑ کے روضے پہ نظر جاتی تھی کان میں ہائے حسینا کی صدا آتی تھی ۲ کبھی دادا کے نجف میں تھا کلیجہ پہ ملال کبھی دادی کے بقیع کی جدائی میں نڈھال کبھی بغداد میں بابا کی لحد پر بے حال کبھی روضے سے پیمبرؐ کے بچھڑنے کا ملال در و دیوار مدینہ کبھی یاد آتے ہیں ہائے نانا کا وطن کہہ کے تڑپ جاتے ہیں ۳ شکل دیکھی تھی نہ پردے میں جس بیٹے کی اس کی تصویر بھی رہ رہ کے جھلکتی تھی دل میں ارمان تھے، نگاہوں میں غمِ ماضی میتِ شبرؑ کے قریب اور بہت دور تقیؑ یاد فرزندِ دل زار کو ہر آتی تھی جیسے صغرا شہِ مظلوم کو یاد آتی تھی ۴ وہاں آتا تھا کبھی کرب میں اُس خواہر کا صورتِ زینب کبریٰ تھی جو بھائی پہ فدا سوچتے تھے کہ وہ ہوتے تو یہ ان سے کہتا [ایک مصرع جزوی طور پر غیر واضح] سرپرست اس کی تمہی میری جگہ پر اب ہو [ایک مصرع جزوی طور پر غیر واضح] ۵ ان خیالاتِ غم انگیز میں پیہم جو گھر سے اشک آنکھوں سے بہے، ریشِ مبارک پہ گرے کوفہ و شام کے بازار نگاہوں میں پھرے موت نے تھام لئے تارِ رگِ جاں کے سرے چل بسے کاظمِ ہستی سے ہمارے مولا غم کو روتے ہوئے دنیا سے سدھارے مولا ۶ یاں ہوا فاطمہؑ کا لال محرم میں مسموم اور وہاں کب سے مدینے میں بہن تھی مغموم گو عزیزوں میں ہوا ظاہر کا تعلق معدوم دل کو ہوجاتا ہے سب حال کہیں سے معلوم مضطرب تھی غمِ فرقت کے سفینے میں بہن طوس میں بھائی تڑپتا تھا، مدینے میں بہن وارثِ صابر و شاکر تھے جو راضی بہ رضا نسیم امروہوی