Basta — Page 319

4 Khafa kaun is kharabe mein ghamkhwar-e-Ahl-e-Bait Kis ghar mein thi mili hui sarkar-e-Ahl-e-Bait Dam torta tha qafila-salar-e-Ahl-e-Bait Majbur tha para hua Mukhtar-e-Ahl-e-Bait Bistar zamin-e-sakht ka, takiya tha khisht ka Virane mein asir tha malik bahisht ka 5 Mauqa mila to zahr diya Shah ko be-gunah Labbaik dil-e-Rasul ki halat hui tabah Bimar ho ke uth na saka [lafz ghair wazeh] Makkar Mutamid sa na hoga Khuda gawah Bheje tabib us ne dawa karne ke liye Poshida apna hal-e-jafa karne ke liye 6 shiddat wo Tab ki zehr ka, wo sadma-e-azim giran Aisa tha zof, kanpta tha jism-e-natawan Kamsin A'imma the Hujjat-e-Haq Sahib-uz-Zaman Tha dusra baras, koi kehta hai panchwan jaan-e Nabi ne bar-e imamat liya is kamsini mein koh-e musibat liya Chhut kar pidar se be-kas-o-tanha the Askari

Ay Sahib-uz-Zaman ye zamana alam ka hai 1 Ay Sahib-uz-Zaman ye zamana alam ka hai Aada ko ranj-e-Shah-e-Shahidan ke gham ka hai Dushwar zikr-e-kushta-e-dard-o-alam ka hai Hum ko sahara aap hi ke ek dam ka hai Wird-e-zaban dua hai zuhur-e-Imam ki Aaye wo din ke rah khule intiqam ki 2 Pehle Batul aayengi mahshar mein be-qarar Aahon se kanp uthega bhi Arsh-e-Kirdigar Par amad-e-Husain hai taswir-e-ashkbar Sab qafila bhi sath, ma tifl-e-shir-khwar Wo ek taza hashr, wo Masum ka bayan Adil ki bargah mein Mazlum ka bayan 3 Nauha karenge arsa-e-mahshar mein khas-o-aam Hal apna jab karenge bayan Shah-e-tishna-kam Ay momino ye ghaur-o-taammul ka hai maqam Kya kya kahenge Dadras-e-Khalq se Imam Kaaba mein aana Ahl-e-Haram ko liye hue Jana bala ke dasht mein be-Hajj kiye hue