Basta — Page 320

4 Shorish wo fauj-e-Sham ki, wo garm dasht-o-ras Shahzadiyon Madine ki jangal mein be-hawas Mehmanon ki wo dil-shikan, wo hujum-e-yas Bachchon ka sath aur kai din ki bhuk pyas Ashur ko Husain ka dil chak ho gaya Lashon ka ek dher sar-e-khak ho gaya 5 Roye har ek madar-o-pidar ki lash par Qasim yatim Hazrat-e-Shabbar ki lash par Lashon pe bhanjon ke, baradar ki lash par Bain banaye naujawan Ali Akbar ki lash par Wo tir-e-zulm, hamla-e-nabakar ka Hazrat ki god aur lahu shir-khwar ka 6 Allah se kahega wo Mazlum apna hal Wo zakhm kha ke ghore se girna dam-e-zawal Sine ka dard, Shimr ki sakhti, zamin lal Pani ka sang-dil se dam-e-wapas sawal Be-ab tegh, khanjar, gala, wa musibata Wo baad-e-qatl, ranj-o-bala, wa musibata Ay Sahib-uz-Zaman ye zamana alam ka hai [Nisbat juzwi taur par ghair wazeh]

Sajjad jab dobara asir-e-jafa hue 1 Sajjad jab dobara asir-e-jafa hue Zanjir aur tauq mein phir mubtala hue Ruh-e-Rasul-e-Pak ko sadme siwa hue Daur-o-alam Batul ko la-intiha hue Ghul tha ke phir Madine ki basti ujri hai Gardan mein tauq, paon mein zanjir pari hai 2 Al-qissa jis ghari ke namayan hui sahar Nikal hua Yazid ka amada-e-safar Ankhen wuzu ko Khwahar-e-Sultan-e-bahr-o-bar Fizza ne ja namaz Pachhai bchshm-e tar Ek dam malul had se siwa hoti jati thin Zainab namaz parhti thin aur roti jati thin 3 Farigh huin dua se jo Zainab ba-chashm-e-tar Fizza ko tab bula ke ye boli wo nauhagar Yan se bahut qarib hai, sunti hun wo shajar Khuli ne jis darakht mein bandha tha Shah ka sar Le chal wahan pe Fatima Zahra ki jani ko ro lun lungi is darakht ke niche mein bhai ko