Basta — Page 344

Riwayat-e-Sham-e-Ghariban — ikhtitam Ay Baba phuphi Amman khaime se yun nikli hain Chadar hai na maqna hai, barahna sar roti hain Han ay khalq-e-sitamgar bas rok qalam apna Jangal mein har ek janib ek hashr sa barpa hai ***** Shah ne dar-e-khaima se Zainab ko pukara hai Riwayati nauha / Saba Lakhnavi Shah ne dar-e-khaima se Zainab ko pukara hai Ab rukhsat-e-akhir ko bhaiya tera aaya hai Hum jate hain marne ko, hoshiyar bahen ghar se Ab tum ho asiri hai aur sath mein kunba hai Chhute na kahin daman ab mera ka hathon se Jo tum ko sambhale tha wo marne ko jata hai Bazaron mein kochon mein sar nange phirogi tum Aur yun hi rasan-basta darbar mein jana hai Aada tumhein pahunchayen, durron se aziyat kar Tum uff na bahen karna, ye meri tamanna hai [Bayen kalam] Abbas na Akbar hain, Qasim na Muhammad hain Is dasht-e-musibat mein tu be-kas-o-tanha hai Ab daur-e-yatimi hai aur ladle bachche hain Be-maut mujhe khanjar is ranj ne mara hai Tum mere yatimon se hoshiyar bahen rehna Kaun un ka zamane mein ab puchhne wala hai Shab ki adat use sine par Ab khak ka bistar hai aur bali Sakina hai Farmaya Sakina ko phir pas bula kar ye Kyun jaan tu khoti hai, Baba abhi zinda hai Ab baad mere jiti chaliye ga ro lena Matam ka mere kis ko Haq tujh se zyada hai Beti ne kaha Baba marne ko na tum jao Farmaya mashiyyat mein kya dakhl kisi ka hai Boli ye Sakina phir puchha do Madine mein Farmaya ye Sarwar ne, kya zor hamara hai Mahdud hain sab rahein, le jaun tumhein kyun kar Majbur hun, be-kas hun, kuchh bas nahin apna hai