Basta — page 343 | Kalam Archive

View

Text sizeLine spacing

Original scan of Basta page 343 — Original book page

Roman Urdu

Urdu text

Wo bola nahin dekha main ne kisi bachche ko Albatta naya is dam ek waqia guzra hai Ghora tha mera pyasa, main le gaya darya par Wan ja ke suna koi is dard se rota hai Go pyasa tha ye ghora lekin na piya pani Main khud mutafakkir hun, ye majra kaisa hai Awaz wo kis ki thi ab tak na main ye samjha Ghore ka bhi dil jis ne is tarah hilaya hai Ye sun ke chalin donon darya ki taraf fauran Mil jaye kahin bachchi dil ki ye tamanna hai Al-qissa ye donon jab wan pahunchin to kya dekha Ek lasha-e-be-sar hai aur bali Sakina hai Farmaya ye Zainab ne batlao to ay beti Kis tarah se pehchani Sarwar ka ye lasha Ki arz Sakina ne ro ro ke phuphi Amman Han sunte hi yahan aa kar jo waqia guzra hai Do bar pukari main ay Baba mere Baba Jab dekha jawab is ka koi nahin milta hai [Bayen kalam] Be-hali barhi meri ghabra ke main chillai Ay apne nawase ab, roo ye Sakina hai Phir ro ke Sakina ye boli ke phuphi Amman Main kya kahun baad is ke jo waqia guzra hai Is halq-e-burida se awaz ye aai phir Tu dhundti hai jis ko us samt wo leta hai awaz ye sunte hi mein gayi lashe par Aur hal-e-dil-e-zakhmi ro ro ke sunaya hai Hain aap yahan lete aram se ay Baba Kuchh is ki khabar bhi hai kya hal hamara hai Baad aap ke aada ne dhaye hain sitam kaise Khaime bhi jalaye hain, asbab bhi luta hai Bande jo pehnaye the Baba mujhe shafqat se Wo le liye zalim ne, jin ka mujhe sadma hai Khun dekh ke kanon se ab tak hai barse jari Zalim ki taaddi se rukhsar bhi nila hai Bhai ki alamat par aaya na taras un ko Bimar ko lohe ka ek tauq pehnaya hai

وہ بولا نہیں دیکھا میں نے کسی بچے کو البتہ نیا اس دم اک واقعہ گزرا ہے گھوڑا تھا مرا پیاسا، میں لے گیا دریا پر واں جا کے سنا کوئی اس درد سے روتا ہے گو پیاسا تھا یہ گھوڑا لیکن نہ پیا پانی میں خود متفکر ہوں، یہ ماجرا کیسا ہے آواز وہ کس کی تھی اب تک نہ میں یہ سمجھا گھوڑے کا بھی دل جس نے اس طرح ہلایا ہے یہ سن کے چلیں دونوں دریا کی طرف فوراً مل جائے کہیں بچی دل کی یہ تمنا ہے القصہ یہ دونوں جب واں پہنچیں تو کیا دیکھا اک لاشۂ بے سر ہے اور بالی سکینہؑ ہے فرمایا یہ زینبؑ نے بتلاؤ تو اے بیٹی کس طرح سے پہچانی سرورؑ کا یہ لاشہ کی عرض سکینہؑ نے رو رو کے پھوپھی اماں ہاں سنتے ہی یہاں آکر جو واقعہ گزرا ہے دوبار پکاری میں اے بابا مرے بابا جب دیکھا جواب اس کا کوئی نہیں ملتا ہے [بائیں کالم] بے حالی بڑھی میری گھبرا کے میں چلائی اے اپنے نواسے اب، روؤ یہ سکینہؑ ہے پھر رو کے سکینہؑ یہ بولیں کہ پھوپھی اماں میں کیا کہوں بعد اس کے جو واقعہ گزرا ہے اس حلقِ بریدہ سے آواز یہ آئی پھر تو ڈھونڈتی ہے جس کو اس سمت وہ لیٹا ہے آواز یہ سنتے ہی میں آگئی لاشے پر اور حالِ دل زخمی رو رو کے سنایا ہے ہیں آپ یہاں لیٹے آرام سے اے بابا کچھ اس کی خبر بھی ہے کیا حال ہمارا ہے بعد آپ کے اعدا نے ڈھائے ہیں ستم کیسے خیمے بھی جلائے ہیں، اسباب بھی لوٹا ہے بندے جو پہنائے تھے بابا مجھے شفقت سے وہ لے لئے ظالم نے، جن کا مجھے صدمہ ہے خون دیکھ کے کانوں سے اب تک ہے برسے جاری ظالم کی تعدی سے رخسار بھی نیلا ہے بھائی کی علامت پر آیا نہ ترس ان کو بیمار کو لوہے کا اک طوق پہنایا ہے