Basta — Page 426

Manzum tarjuma Dua-e-Faraj (Imam-e-Zamana) Ilahi azuma al-bala (Shadan Dehlavi) Ya Ilahi barh gayi meri musibat be-shumar Hain azim afatain, balaen mujh pe be-shumar Baat jo poshida thi wo baat aakhir khul gayi Fash parda ho gaya ay Waqif-e-Sirr-e-Khafi Na-ummidi ka hai ghalba aur tuti hai ummid Mujh pe huin balaon ki nahin koi baid Haye haye ye zamin bhi tang mujh par hogi Mere Malik asman ne bhi rukawat dal di Karb-o-bala hai, madad tu hi mere Parwardigar Sirf tujh se hi shikayat kar raha hun bar bar Jo yaqin rakhta nahin tujh par wo nadan hi hai Tu sahara sirf tangi aur asani mein hai Hai Muhammad aur un ki Aal par durud hamara Un pe ho har dam nuzul-e-rahmat-e-Parwardigar Sahiban-e-Amr hain ye log Isna Ashar hain Aur in sab ki itaat hum sab par farz hai Hum ko un ke martabe ki marifat bakhsh gayi Un ke sadqe mein ata kar de hamein asudgi Jald-tar, nazdik-tar, yani jhapakte hi palak Ya phir is se bhi zara jaldi ho a ke liye Sarparasti kijiye meri, Muhammad Ya Ali Ya Ali-o-Ya Muhammad, aap hain mere Wali Aap hi donon hain kafi sarparasti ko meri Ya Ali-o-Ya Muhammad, Ya Muhammad Ya Ali Aap hain mere madad, meri madad farmaiye Aap hi donon faqat meri madad ko aaiye Mere Aqa! Mere Maula, Sahib-e-Asr-o-Zaman! Aap se faryad karta hai ye abd-e-natawan Aaiye faryad ko, faryad ko Aaiye imdad ko, Maula meri imdad ko