Basta — Page 427

Bas isi liye, isi saat, isi dam ho asar Mere Maula jald-tar, han jald-tar, han jald-tar Rahm karne wala hai tu sab se barh kar ay Khuda Wasta tujh ko Muhammad aur un ki Aal ka Ho qubul ab to ye Shadan Dehlavi ki iltija Yani tajil-e-zuhur-e-Mahdi-e-din ki dua

Shan-e-aslaf ki duniya ko dikha do uth kar Allama Hasan [naam juzwi taur par ghair wazeh] Shan-e-aslaf ki duniya ko dikha do uth kar Tar-e-ghurur ko kirdar bana do uth kar Tafarraqa apne idaron ka mita do uth kar Qaum ki nao bhanwar mein hai, bacha do uth kar Ya Ali keh ke charho dar pe talwaron ki Shan dikhla do zamane ko alamdaron ki Mito khak, bano khak se iksir bano Kushta-e-tegh bano, kushta-e-shamshir bano Hurr ki taqlid karo, paikar-e-hurriyat bano Jo manane se ubharti hai wo taswir bano Maut ki god mein Mazlum ka jina dekho Tegh ki dhar pe chalta hai safina dekho Aap shamshir se pyas apni bujhana sikho Sabr ka hukm hai, pal tegh ka khana sikho Apne hi khun mein khud aap nahana sikho Qaum murda hai to murde ka jalana sikho Walwale ke utho aati jawani ki tarah Khun rag rag se nikle lage pani ki tarah Jis jagah nao thehar jaye wohin sahil ho Paon ruk jaye jahan pal ke wohin manzil ho