Basta — Page 88

Haider Ali Akhtar Kaghli Marhum Nijat-e-hashr ke zamin ka ghar hai Yaqinan din ke Mohsin ka ghar hai Sadaen aa rahi hain 'Ya Ali' ki Ye ghar goya kisi Momin ka ghar hai

Mirza Adib Aaj yun zikr-e-gham-e-tishna-dahani chahiye Khushk ho jana har ek darya ka pani chahiye Khandan-e-Mustafa ka zikr karne ke liye Aadmi sachcha khara aur khandani chahiye

Tamkin Abbas Jafari Dua-e-Zahra ki tabir hai azadari Baqa-e-uswa-e-Shabbir hai azadari Koi Yazid ise khatm kar nahin sakta Ata-e-Zainab-e-dilgir hai azadari

Khan Muhammad Wali Khan Tauhid ka payam azadari-e-Husain Hai darsgah-e-aam azadari-e-Husain Jo jada-e-Rasul pe hain gamzan wohi Karte hain subh-o-sham azadari-e-Husain

Yaqin Baharpuri Marhum Mila ye auj shahidon ke astane ko Ke asman bhi hai majbur sar jhukane ko Jawab Hazrat-e-Shabbir layega kyun kar Nazir-e-Hurr ki mayassar nahin zamane ko (Bashukriya sozkhwan Abbas Syed, Karbalai, Javed Kazmi)

Maulana Muzaffar Ali Khan Ay Karbala ki khak is ehsan ko na bhul Tarpi hai tujh pe naash-e-jigar-gosha-e-Batul Islam ke lahu se teri pyas bujh gayi Sairab kar gaya tujhe khun-e-rag-e-Rasul (Bashukriya soz-o-salam khwan Syed Salman Rizwan Mehdi)

Qit'a Jata hai koi Shah ka azadar jahan se Aate hain dam-e-naza Ali us ke jinan se Marqad se Nakirain chale aate hain wapas Sunte hi sada haye Husaina ki zaban se

Qit'a Asir-e-ishq-e-Shah-e-Mashriqain mein hote Wila mein dub ke aram-o-chain mein hote Ye sab shahid agar Karbala mein hum hote Khuda gawah hai fauj-e-Husain mein hote (Baraye shuhada-e-mazhabi / Sindh Police)