Manqabat
اے ربِ جہاں، پنجتنؑ پاک کا صدقہ
Aye Rab-e-Jahan Panjtan Pak Ka Sadqa
View
Urdu
1
اے ربِ جہاں، پنجتنؑ پاک کا صدقہ
اس قوم کا دامن غمِ شبیرؑ سے بھر دے
2
بچوں کو عطا کر علی اصغرؑ کا تبسم
بوڑھوں کو حبیب ابنِ مظاہرؑ کی نظر دے
3
کم سن کو ملے ولولۂ عون و محمدؑ
ہر اک جوان کو علی اکبرؑ کا جگر دے
4
ماؤں کو سکھا ثانیِ زہراؑ کا سلیقہ
بہنوں کو سکینہؑ کی دعاؤں کا اثر دے
5
یا رب تجھے بیماریِ عابدؑ کی قسم ہے
بیمار کی راتوں کو شفا یاب سحر دے
6
مفلس پہ زر و مال و جواہر کی ہو بارش
مقروض کا ہر قرض ادا غیب سے کر دے
7
پابندِ رسن زینبؑ و کلثومؑ کا صدقہ
بے جرم اسیروں کو رہائی کی خبر دے
8
جو مائیں بھی روتی ہیں بیادِ علی اصغرؑ
ان ماؤں کی آغوش کو اولاد سے بھر دے
9
جو حق کے طرفدار ہوں وہ ہاتھ عطا کر
جو مجلسِ شبیرؑ کی خاطر ہو وہ گھر دے
10
قسمت کو فقط خاکِ شفا بخش دے مولاؑ
میں یہ نہیں کہتا کہ مجھے لعل و گوہر دے
11
آنکھوں کو دکھا روضۂ مظلومؑ کا منظر
قدموں کو نجف تک بھی کبھی اذنِ سفر دے
12
جو چادرِ زینبؑ کی عزادار ہیں مولاؑ
محفوظ رہیں ایسی خواتین کے پردے
13
غم کوئی نہ دے ہم کو سوائے غمِ شبیرؑ
شبیرؑ کا غم بانٹ رہا ہے تو ادھر دے
14
کب تک رہوں دنیا میں یتیموں کی طرح میں؟
وارث مرا پردے میں ہے، ظاہر اسے کر دے
15
منظور ہے خوابوں میں ہی آقا کی زیارت
پرواز کی خواہش میں نہ جبرئیلؑ کے پر دے
16
جس در کے سوالی ہیں فرشتے بھی بشر بھی
آوارۂ منزل ہوں مجھے بھی وہی در دے
17
جو دین کے کام آئے وہ اولاد عطا کر
جو کٹ کے بھی اونچا ہی نظر آئے وہ سر دے
18
خیرات درِ شاہِ نجفؑ چاہیے مجھ کو
سلمان و ابوذر کی طرح کوئی ہنر دے
19
صحراؤں میں عابدؑ کی مسافت کے صلے میں
بھٹکے ہوئے راہرو کو ثمر دار شجر دے
20
سر پر ہو سدا پرچمِ عباسؑ کا سایہ
محسن کی دعا ختم ہو اب اس کو اثر دے
Roman Urdu
1
Aye Rab-e-Jahan, Panjtan Pak Ka Sadqa
Iss Qaum Ka Daman Gham-e-Shabbir Se Bhar De
2
Bachon Ko Atta Kar Ali Asghar Ka Tabasum
Burhoon Ko Habib Ibn-e-Muzahir Ki Nazar De
3
Kam Sin Ko Mile Walwala-e-Aoun-o-Muhammad
Har Ik Jawaan Ko Ali Akbar Ka Jigar De
4
Maoun Ko Sikha Sani-e-Zahra Ka Saleeqa
Behno Ko Sakina Ki Duaon Ka Asar De
5
Ya Rab Tujhe Bimari-e-Abid Ki Qasam Hai
Bimar Ki Raton Ko Shifa Yaab Sahar De
6
Muflis Pe Zar-o-Maal-o-Jowahir Ki Ho Barish
Maqrooz Ka Har Qarz Ada Gaib Se Kar De
7
Paband-e-Rasan Zainab (S.A)-o-Kulsoom Ka Sadqa
Be Jurm Aseeron Ko Rehai Ki Khabar De
8
Jo Maein Bhi Roti Hain Be-Yad-e-Ali Asghar
Unn Maoun Ki Aagosh Ko Aulaad Se Bhar De
9
Jo Haq Ke Tarafdar Hoon Wo Hath Atta Kar
Jo Majlis-e-Shabbir Ki Khatir Ho Wo Ghar De
10
Qismat Ko Faqat Khak-e-Shifa Bakhsh De Maula
Main Yeh Nahin Kehta Ke Mujhe Laal-o-Gohar De
11
Aankhon Ko Dikha Roza-e-Mazloom Ka Manzar
Qadmon Ko Najaf Tak Bhi Kabhi Izn-e-Safar De
12
Jo Chadar-e-Zainab Ki Azadar Hain Maula
Mehfooz Rahein Aisi Khawateen Ke Parde
13
Gham Koi Na De Hum Ko Siwaye Gham-e-Shabbir
Shabbir Ka Gham Bant Raha Hai Tu Idhar De
14
Kab Tak Rahoon Duniya Mein Yateemon Ki Tarah Main?
Waris Mera Parde Mein Hai, Zahir Usse Kar De
15
Manzoor Hai Khwabon Mein Hi Aaqa Ki Ziyarat
Parwaz Ki Khwahish Mein Na Jibreel Ke Par De
16
Jis Dar Ke Sawali Hain Farishte Bhi Bashar Bhi
Awarah-e-Manzil Hoon Mujhe Bhi Wohi Dar De
17
Jo Deen Ke Kaam Aaye Wo Aulaad Atta Kar
Jo Kat Ke Bhi Uncha Hi Nazar Aaye Wo Sar De
18
Khairat Dar-e-Shah-e-Najaf Chahiye Mujh Ko
Salman-o-Abu Zar Ki Tarah Koi Hunar De
19
Sehraon Mein Abid Ki Musafat Ke Sile Mein
Bhatke Huye Rahro Ko Samardar Shajar De
20
Sar Par Ho Sada Parcham-e-Abbas Ka Saya
Mohsin Ki Dua Khatam Ho Ab Iss Ko Asar De