Manqabat
اے ربِ پنجتن
Aye Rab-e-Panjtan
View
Urdu
اے ربِ پنجتن، میری تجھ سے ہے یہ دعا
1
پروردگار، تو ہی رحیم و کریم ہے
قرآن کہہ رہا ہے علیُّ العظیم ہے
آوازِ کُن سے پہلے ہے اتنا قدیم ہے
واجب ہے کائنات پہ ہر دم تری ثنا
2
چاہا جو تو نے خلق میں پہچان ہو تری
تو نے بنائی پانچ ستاروں کی اک لڑی
اُن کی رضا میں تیری رضا ہے چھپی ہوئی
ناراض ہم سے ہو نہ کبھی آلِ مصطفیٰ
3
تنہائیوں کا تیری رہا ہے جو ہم سفر
وہ مصطفیٰ جو بعد ترے سب سے معتبر
ہے قرض جس کا اجرِ رسالت جہاں پر
ہر قرض کر دے غیب سے مقروض کا ادا
4
تجھ سا علی بھی کہتا ہے خالق جسے علی
انگلی پکڑ کے جس کی شریعت تری چلی
رازق ہے دو جہاں کا، ولیوں کا ہے ولی
صدقے میں اُس کے رزق میں ہوں وسعتیں عطا
5
وہ فاطمہ، حجاب بھی نوری ملا جسے
حسنین جیسے جس نے پسر پال کر دیے
رحمت بنی جو رحمتِ عالَم کے واسطے
ٹوٹے نہ مومنین سے رحمت کا سلسلہ
6
وہ مصطفیٰ کا لال جو دین کو بچا گیا
تیغوں کو اپنے زورِ قلم سے ہرا گیا
امن و امان کا درس جہاں کو پڑھا گیا
ہر سمت اُس کے صدقے میں ہو امن کی فضا
7
معبود، وہ حسین جو محبوب ہے ترا
سر کاٹ کر بھی جس کا نہ ظالم جھکا سکا
جس نے زمین کو عرشِ معلیٰ بنا دیا
دکھلا دے ہم فقیروں کو روضۂ حسین کا
8
مشکل کو ٹال، حلِ مصائب کو بھیج دے
ہیں جس کے منتظر، اُسی صاحب کو بھیج دے
مشکل کشا کے آخری نائب کو بھیج دے
ہے سبطِ جعفر اور حسن کی یہ التجا
Roman Urdu
Aye Rab-e-Panjtan, Meri Tujh Se Hai Yeh Dua
1
Parwardigar, Tu Hi Raheem-o-Kareem Hai
Quran Keh Raha Hai Aliyy-ul-Azeem Hai
Aawaz-e-Kun Se Pehle Hai Itna Qadeem Hai
Wajib Hai Kainat Pe Har Dam Teri Sana
2
Chaha Jo Tu Ne Khalq Mein Pehchan Ho Teri
Tu Ne Banai Panch Sitaron Ki Ik Lari
Un Ki Raza Mein Teri Raza Hai Chhupi Hui
Naraz Hum Se Ho Na Kabhi Aal-e-Mustafa
3
Tanhaiyon Ka Teri Raha Hai Jo Humsafar
Woh Mustafa Jo Baad Tere Sab Se Moatbar
Hai Qarz Jis Ka Ajr-e-Risalat Jahan Par
Har Qarz Kar De Ghaib Se Maqrooz Ka Ada
4
Tujh Sa Ali Bhi Kehta Hai Khaliq Jisay Ali
Ungli Pakar Ke Jis Ki Shariyat Teri Chali
Raziq Hai Do Jahan Ka, Waliyon Ka Hai Wali
Sadqay Mein Us Ke Rizq Mein Hoon Wusatein Atta
5
Woh Fatima, Hijab Bhi Noori Mila Jisay
Hasnain Jaisay Jis Ne Pisar Paal Kar Diye
Rehmat Bani Jo Rehmat-e-Aalam Ke Wastay
Totay Na Momineen Se Rehmat Ka Silsila
6
Woh Mustafa Ka Lal Jo Deen Ko Bacha Gaya
Taigon Ko Apne Zor-e-Qalam Se Hara Gaya
Aman-o-Amaan Ka Dars Jahan Ko Parha Gaya
Har Simt Us Ke Sadqay Mein Ho Aman Ki Fiza
7
Mabood, Woh Hussain Jo Mehboob Hai Tera
Sar Kaat Kar Bhi Jis Ka Na Zalim Jhuka Saka
Jis Ne Zameen Ko Arsh-e-Mualla Bana Diya
Dikhla De Hum Faqeeron Ko Roza-e-Hussain Ka
8
Mushkil Ko Taal, Hal-e-Masaib Ko Bhej De
Hain Jis Ke Muntazir, Usi Sahib Ko Bhej De
Mushkil Kusha Ke Aakhri Naib Ko Bhej De
Hai Sibt-e-Jafar Aur Hasan Ki Yeh Iltija