بے سر جو اپنے باپ کو دیکھا نشیب میں

sunsaan ban wo raat wo uth'ta hua dhuan nikli padar ko dhoondne nanhi si ek jaan daaman jala huwa tha to kaanon se khun rawaan neelai thai donon gaal tamachon ke thai nishaan tuta tha kamsini mein masayib ka aasmaan khati huwi wo thokarein lashon ke darmiyan kehti thi baba jaan bata do ke ho kahan ek laash bol uthi meri beti mein hoon yahan lekar usi sada ka sahara puhanch gayi roti hui nashaib mien dukhiya puhanch gayi be-sar jo apne baap ko dekha nashaib mein royi bohat yateem sakina nashaib mein 1 maqtal may laash baap ki jab sar kati mili thi umr char saal ki bachi tadap gayi beti jab apne baap ko pehchan na saki awaaz ya abaa ki sakina ne ro ke di laasha ghareeb baap ka bola nashaib mein royi bohat yateem sakina... 2 likha hai raawiyon ne wo manzar bada ajeeb jangal wo kali raat wo ghurbat wo gham naseeb awaaz sun ke baap ki pahunchi hai jab khareeb haalat pidar ki dekh ke royi bohat ghareeb beti ke saath baap bhi roya nashaib mein royi bohat yateem sakina... 3 aage barhi hussain ki mazloom ghamzada teeron se jism baap ka dekha bhara hua ghabra ke teer jism se karne lagi juda kamsin thi koi teer na us se nikal saka paaya na jab hussain ka seena nashaib mein royi bohat yateem sakina... 4 khaali na paayi jism pe teeron se koi jaa karne lagi tawaaf wo baba ki laash ka mayoos ho ke payinti baithi wo ghamzada rukhsaar apne baap ke talwon pe rakh diya le kar padar ke paaon ka bosa nashaib mein royi bohat yateem sakina... 5 apne pidar ki laash pe le le ke siskiyan wo apne dard baap se karne lagi bayan rukh par bani thi saaf jo zaalim ki ungliyan bachi ne jab dikhaye tamachon ke wo nishan zakhmi badan hussain ka tadpa nashaib mein royi bohat yateem sakina... 6 phir ye kehne lagi ro ro ke yateema baba mere baalon ko sitamgar ne jo pakda baba maara zaalim ne mujhe aisa tamacha baba cha gaya meri nigahon mein andhera baba 7 kehti thi mai yateem hoo mujh par na waar kar ki minnatein bahot ki zara intezaar kar mai de rahi thi shimr ko bunde utaar kar cheene hai be rehm ne magar mujhko maar kar ye dard jab pidar ko sunaya nashaib mein royi bohat yateem sakina... 8 jo haath sar pe roz phirate thai shah-e-deen us haath ke qareeb jo aayi wo naazneen apne pidar ke haath pe jis dam rakhi jabeen us dam na thi yateem ke pairon tale zameen bin unglion ka haath jo chuma nashaib mein royi bohat yateem sakina... 9 waiz likhega kaun yateema ki bekasi laashe shah e zaman se wo jis dam juda hui lagta tha ab jiyegi na bachi hussain ki jaane lagi nasheb se jab sheh ki laadli baba ko apne chod ke tanha nashaib mein royi bohat yateem sakina...