Noha

چہلم جو کربلا میں بہتر کا ہو چکا

Chehlum Jo Karbala Mein Bahattar Ka Ho Chuka

Language: Urdu
Kalam Type: Noha

View

Text sizeLine spacing

Urdu

1 چہلم جو کربلا میں بہتر کا ہو چکا پیوند بے کسوں کے تن و سر کا ہو چکا اور فاتحہ حسین کے لشکر کا ہو چکا قبروں پہ شور آلِ پیمبر کا ہو چکا ماتم میں تین روز رہے شور و شین سے روئے لپٹ لپٹ کے مزارِ حسین سے 2 مثلِ چراغ گورِ غریباں پہ دل جلائے پھولوں کے بدلے قبروں پہ لختِ جگر چڑھائے پیاروں کی بود و باش کے ساماں جو یاد آئے بے ساختہ پکارے کلیجا پکڑ کے ہائے کنبے کے ساتھ داخلۂ کربلا ہوا لایا جو تھا مدینے سے ہم کو وہ کیا ہوا 3 مر جائیں سب یتیموں کے سر پر رہوں تو میں بچپن میں ان کی قید کی ایذا سہوں تو میں بہلانے کو تمہاری کہانی کہوں تو میں ماں ہوں تو میں، پھوپھی ہوں تو میں، باپ ہوں تو میں ان کا بھی داغ آج ملے یا کہ کل ملے ایسے نہیں نصیب کہ خدمت کا پھل ملے 4 میں جانتی تھی شہر بسا ہوگا بھائی کا ہوگا ہجوم قبر پہ ساری خدائی کا چہلم کروں گی دھوم سے میں کربلائی کا پرساں بھی یاں نہیں کوئی زہرا کی جائی کا منہ ڈھانپنے کو آپ ہی پلہ بھی لیتی ہوں اور اپنے دل کو آپ ہی پرسہ بھی دیتی ہوں 5 چہلم تو کر چکی میں دل افگار یا حسین اب روضہ کس طرح سے ہو تیار یا حسین بیٹا بھی اور بہن بھی ہے نادار یا حسین آخر کبھی تو آئیں گے زوار یا حسین تکیہ ہے کارسازیِ پروردگار پر اس دم تو سائباں بھی نہیں ہے مزار پر 6 حضرت کی قبر ہل گئی زینب کے بین سے آ کر کہا بشیر نے ابنِ حسین سے شہزادے جاں بلب ہے پھوپھی شور و شین سے چلیے وطن کو قبرِ شہِ مشرقین سے عابد نے پوچھا کیوں پھوپھی اماں قبول ہے وہ بولیں اختیار ہے کیا، ہاں قبول ہے 7 آئے تھے کس طرح سے وطن، کس طرح چلے نہ شہ رہے نہ گودیوں میں گود کے پلے سوتے تھے قبر میں جو کٹائے ہوئے گلے یہ وقت وہ تھا پھرتے تھے سب آنکھ کے تلے عابد سے بانو کہتی تھیں مہلت قلیل ہے کچھ خاکِ پاک لے لو کہ صغریٰ علیل ہے 8 اے کربلائے سرورِ دلگیر الوداع اے قتل گاہِ حضرتِ شبیر الوداع اے قبرِ ابنِ صاحبِ تطہیر الوداع اے بھائی جان، جاتی ہے ہمشیر، الوداع کیا غم نصیب ہے یہ نواسی رسول کی تم نے مجاوری نہ ہماری قبول کی 9 بھیا اٹھو کجاوے میں مجھ کو تمہیں بٹھاؤ بھیا میں بے نقاب ہوں، رہگیروں کو ہٹاؤ روکیں قنات، اکبر و عباس کو بلاؤ خالی ہے گود بھابی کی، اصغر کو لیتے آؤ سردار سارے قافلے کے آگے ہوتے ہیں تیار کارواں ہوا اور آپ سوتے ہیں 10 کب سے تمہیں پکار رہی ہوں میں خستہ تن ہائے ہائے جواب بھی نہیں دیتے شہِ زماں بھیا گلے لگا لوں تو جاؤں سوئے وطن آئی ندا، سدھارو، خدا حافظ اے بہن صغریٰ کو میری سمت سے بھی پیار کیجیو ہوگا ثواب خاطرِ بیمار کیجیو

Roman Urdu

1 Chehlum Jo Karbala Mein Bahattar Ka Ho Chuka Paiwand Bekason Ke Tan-o-Sar Ka Ho Chuka Aur Fatiha Hussain Ke Lashkar Ka Ho Chuka Qabron Pe Shor Aal-e-Payambar Ka Ho Chuka Matam Mein Teen Roz Rahe Shor-o-Shain Se Roye Lipat Lipat Ke Mazar-e-Hussain Se 2 Misle Charagh Gor-e-Ghariban Pe Dil Jalaye Phoolon Ke Badle Qabron Pe Lakht-e-Jigar Charhaye Pyaron Ki Bood-o-Baash Ke Saman Jo Yaad Aaye Be Sakhta Pukare Kaleja Pakar Ke Haye Kunbe Ke Saath Dakhla-e-Karbala Hua Laya Jo Tha Madine Se Hum Ko Wo Kya Hua 3 Mar Jayen Sab Yatimon Ke Sar Par Rahoon To Main Bachpan Mein Unki Qaid Ki Eeza Sahoon To Main Behlane Ko Tumhari Kahani Kahoon To Main Maan Hoon To Main, Phuphi Hoon To Main, Baap Hoon To Main In Ka Bhi Daagh Aaj Mile Ya Ke Kal Mile Aise Nahin Naseeb Ke Khidmat Ka Phal Mile 4 Main Jaanti Thi Shehr Basa Hoga Bhai Ka Hoga Hujoom Qabr Pe Saari Khudai Ka Chehlum Karungi Dhoom Se Main Karbalai Ka Pursan Bhi Yaan Nahin Koi Zahra Ki Jayi Ka Mun Dhanpne Ko Aap Hi Palla Bhi Leti Hoon Aur Apne Dil Ko Aap Hi Pursa Bhi Deti Hoon 5 Chehlum To Kar Chuki Main Dil-Afgar Ya Hussain Ab Rauza Kis Tarha Se Ho Tayyar Ya Hussain Beta Bhi Aur Behen Bhi Hai Nadar Ya Hussain Aakhir Kabhi To Aayenge Zawwar Ya Hussain Takya Hai Kaar-Sazi-e-Parwardigar Par Is Dam To Sayeban Bhi Nahin Hai Mazar Par 6 Hazrat Ki Qabr Hil Gayi Zainab Ke Bain Se Aa Kar Kaha Basheer Ne Ibn-e-Hussain Se Shehzade Jaan-Balab Hai Phuphi Shor-o-Shain Se Chaliye Watan Ko Qabr-e-Shah-e-Mashraqain Se Abid Ne Poocha Kyun Phuphi Amma Qubool Hai Wo Bolin Ikhtiyar Hai Kya, Haan Qubool Hai 7 Aaye The Kis Tarha Se Watan, Kis Tarha Chale Na Sheh Rahe Na Godiyon Mein God Ke Pale Sote The Qabr Mein Jo Kataye Huye Gale Ye Waqt Wo Tha Phirte The Sab Aankh Ke Tale Abid Se Bano Kehti Thin Muhlat Qaleel Hai Kuch Khaak-e-Paak Lelo Ke Sughra Aleel Hai 8 Ay Karbala-e-Sarwar-e-Dilgeer Alwida Ay Qatl-Gah-e-Hazrat-e-Shabbir Alwida Ay Qabr-e-Ibn-e-Sahib-e-Tatheer Alwida Ay Bhai Jaan, Jaati Hai Humsheer, Alwida Kya Gham Naseeb Hai Ye Nawasi Rasool Ki Tum Ne Mujawiri Na Hamari Qubool Ki 9 Bhaiyya Utho Kujave Mein Mujh Ko Tumhi Bithao Bhaiyya Main Be-Naqab Hoon, Rehgeeron Ko Hatao Rokein Qanaat, Akbar-o-Abbas Ko Bulao Khaali Hai God Bhabhi Ki, Asghar Ko Lete Aao Sardar Sare Qafile Ke Aage Hote Hain Tayyar Karwan Hua Aur Aap Sote Hain 10 Kab Se Tumhein Pukar Rahi Hoon Main Khasta-Tan Haye Haye Jawab Bhi Nahin Dete Shah-e-Zaman Bhaiyya Gale Laga Loon To Jaaun Su-e-Watan Aayi Nida, Sidhaaro, Khuda Hafiz Ay Behen Sughra Ko Meri Simt Se Bhi Pyar Kijiyo Hoga Sawab Khatir-e-Beemar Kijiyo