Marsiya
چُھٹ کر پدر سے بے کس و تنہا تھے عسکریؑ
Chut Kar Pidar Se Be-Kas-o-Tanha The Askari
View
Urdu
1
چُھٹ کر پدر سے بے کس و تنہا تھے عسکریؑ
پابندِ حکمِ خالقِ یکتا تھے عسکریؑ
حق کے ولی تھے خلق کے مولا تھے عسکریؑ
احسان تھا جس کا جوش وہ دریا تھے عسکریؑ
ابرِ کرم تھے بحرِ سخا تھے زمانے میں
ویسے ہی جیسے ہوتے رہے اس گھرانے میں
2
تھا کون اُس خرابے میں غم خوارِ اہلِ بیت
کس گھر میں تھی لُٹی ہوئی سرکارِ اہلِ بیت
دم توڑتا تھا قافلہ سالارِ اہلِ بیت
مجبور تھا پڑا ہوا مختارِ اہلِ بیت
بستر زمینِ سخت کا، تکیہ تھا خشت کا
ویرانے میں اسیر تھا مالکِ بہشت کا
3
موقع ملا تو زہر دیا شہ کو بے گناہ
لختِ دلِ رسول کی حالت ہوئی تباہ
بیمار ہو کے اُٹھ نہ سکا حُجّتِ الٰہ
مکّار معتمد سا نہ ہوگا خدا گواہ
بھیجے طبیب اُس نے دوا کرنے کیلئے
پوشیدہ اپنا حال جفا کرنے کیلئے
4
شدت وہ تب کی زہر کا وہ صدمہ گراں
ایسا تھا ضعف کانپتا تھا جسم ناتواں
مسکن ابھی تھے حُجّتِ حق صاحب الزماں
تھا دوسرا برس، کوئی کہتا ہے پانچواں
جانِ نبی نے بارِ امامت اُٹھا لیا
اِس کم سنی میں کوہِ مصیبت اُٹھا لیا
5
جب زہر سے شہید ہوئے گیارھویں امام
سامرّہ والے خاک اُڑانے لگے تمام
بازار بند کر دیئے، چھوڑے سب اپنے کام
ماتم میں عسکریؑ کے ہوئے محو خاص و عام
دروازۂ امام پہ ایسی فغاں ہوئی
سامرّہ میں قیامتِ صغریٰ عیاں ہوئی
6
جس گھر میں تھی بنی ہوئی قبرِ علی نقیؑ
اُس میں ہی دفن لاشِ حسن عسکریؑ ہوئی
گھر گھر سے تھی بلند صدا آہ آہ کی
انتیس سال بھی نہ ہوئی عمرِ عسکریؑ
مدفون خوب عسکرئ، بے وطن ہوا
پیاسے حسینؑ کو نہ مَیسر کفن ہوا
7
اب اِس قلق سے ہوتے ہیں ٹکڑے سے دل و جگر
ظلم اہلِ بیت پر کیے اعدا نے اِس قدر
سجادؑ جیسے روئے نہ لاشِ حسینؑ پر
یوں ہی نہ رویا عسکریؑ کی لاش پر پسر
دُرّے اٹھائے گرد و بام نابکار تھے
آمادہ قتل پر یہاں بدعت شعار تھے
8
مولا امامِ عصرؑ ہوئے آپ تو نہاں
بچے تو کیسے عابدؑ بیمار و ناتواں
دینا تھا اُن کو صبر و تحمل کا امتحاں
وہ کوفہ و دمشق گئے پہنے بیڑیاں
اسلام کا تھا بار مجاہد کی پشت پر
دُرّے برستے رہتے تھے عابدؑ کی پشت پر
Roman Urdu
1
Chut Kar Pidar Se Be-Kas-o-Tanha The Askari
Paband-e-Hukm-e-Khaliq-e-Yakta The Askari
Haq Ke Wali The Khalq Ke Maula The Askari
Ehsan Tha Jis Ka Josh Wo Darya The Askari
Abr-e-Karam The Bahr-e-Sakha The Zamane Mein
Waise Hi Jaise Hote Rahe Is Gharane Mein
2
Tha Kaun Us Kharabe Mein Ghamkhwar-e-Ahl-e-Bait
Kis Ghar Mein Thi Luti Hui Sarkar-e-Ahl-e-Bait
Dam Torta Tha Qafila Salar-e-Ahl-e-Bait
Majboor Tha Para Hua Mukhtar-e-Ahl-e-Bait
Bistar Zameen-e-Sakht Ka, Takiya Tha Khisht Ka
Veerane Mein Aseer Tha Malik-e-Behisht Ka
3
Mauqa Mila To Zehr Diya Shah Ko Be-Gunah
Lakht-e-Dil-e-Rasool Ki Halat Hui Tabah
Beemar Ho Ke Uth Na Saka Hujjat-e-Ilah
Makkar Mutamid Sa Na Hoga Khuda Gawah
Bheje Tabeeb Us Ne Dawa Karne Ke Liye
Posheeda Apna Haal Jafa Karne Ke Liye
4
Shiddat Wo Tab Ki Zehr Ka Wo Sadma Giran
Aisa Tha Zof Kanpta Tha Jism Natawan
Maskan Abhi The Hujjat-e-Haq Sahib-uz-Zaman
Tha Doosra Baras, Koi Kehta Hai Panchwan
Jaan-e-Nabi Ne Bar-e-Imamat Utha Liya
Is Kam Sini Mein Koh-e-Museebat Utha Liya
5
Jab Zehr Se Shaheed Huye Gyarhwin Imam
Samarra Wale Khaak Urane Lage Tamam
Bazar Band Kar Diye, Chhore Sab Apne Kaam
Matam Mein Askari Ke Huye Mahv Khaas-o-Aam
Darwaza-e-Imam Pe Aisi Fughan Hui
Samarra Mein Qayamat-e-Sughra Ayan Hui
6
Jis Ghar Mein Thi Bani Hui Qabr-e-Ali Naqi
Us Mein Hi Dafn Laash-e-Hasan Askari Hui
Ghar Ghar Se Thi Buland Sada Aah Aah Ki
Untees Saal Bhi Na Hui Umr-e-Askari
Madfoon Khoob Askari-e-, Be-Watan Huwa
Pyase Husain Ko Na Mayassar Kafan Huwa
7
Ab Is Qalaq Se Hote Hain Tukre Se Dil-o-Jigar
Zulm Ahl-e-Bait Par Kiye Aada Ne Is Qadar
Sajjad Jaise Roye Na Laash-e-Husain Par
Yoon Hi Na Roya Askari Ki Laash Par Pisar
Durre Uthaye Gard-o-Baam Nabakar The
Aamada-e-Qatl Par Yahan Bidat-Shiar The
8
Maula Imam-e-Asr Huye Aap To Nihan
Bache To Kaise Abid Beemar-o-Natawan
Dena Tha Un Ko Sabr-o-Tahammul Ka Imtihan
Wo Kufa-o-Dimashq Gaye Pehne Beriyan
Islam Ka Tha Bar Mujahid Ki Pusht Par
Durre Baraste Rehte The Abid Ki Pusht Par