Noha
کیسی یہ شام آئی اولادِ سیدہؑ پر
Kesi ye sham ayi aulad e Sayyeda par
View
Urdu
کیسی یہ شام آئی اولادِ سیدہؑ پر
سجادؑ رو رہے ہیں زینبؑ سے منہ چھپا کر
1
اک سمت بے کفن ہے بھائی کا اس کے لاشہ
عبّاسؑ کی بہن کا باقی رہا نہ پردہ
اب سوچتی ہے زینبؑ مانگے کفن یا چادر
2
بازو کہیں پڑے ہیں لاشہ کہیں پڑا ہے
زینبؑ کی بے بسی پر غازیؑ تڑپ رہا ہے
روتی ہے بے کسی بھی فرشِ عزا بچھا کر
3
جو گھر میں دو قدم بھی پیدل نہیں چلی ہے
اک دن میں وہ ہی زینبؑ عبّاس بن گئی ہے
پہرے پہ آ گئی ہے تنہا علم اُٹھا کر
4
سجادؑ سے لپٹ کر کہتی رہی سکینہؑ
احساس ہو رہا ہے میں ہو گئی یتیماں
ظالم ڈرا رہا ہے نیزہ دکھا دکھا کر
5
لاشوں کے درمیاں وہ بابا کو ڈھونڈتی ہے
منہ اپنا پیٹ کر یہ فریاد کر رہی ہے
قدموں میں ہی سلا دو بابا مجھے بلا کر
6
جب آگئے نجف سے بیٹی کو ملنے بابا
زانوں پہ رکھ کے سر یہ کہنے لگی وہ دکھیا
زینبؑ اجڑ گئی ہے کرب و بلا بسا کر
7
خیموں کے ساتھ جھولا بستر بھی جل گیا ہے
ناموسِ مصطفی کو باغی کہا گیا ہے
لے جائیں گے صبح کو قیدی ہمیں بنا کر
8
گزرے گی کیسے یاورؔ مقتل سے شہزادی
عابدؑ نے رات مومن یہ سوچ کر گزاری
زینبؑ کا نام لے گا ظالم جو مسکرا کر
Roman Urdu
Kesi ye sham ayi aulad e Sayyeda par
Sajjad ro rahay hain Zainab se mun chupa kar
1
Ik simt be kafan hai bhai ka uske lasha
Abbas ki behen ka baqi raha na parda
Ab sochti hai Zainab maangey kafan ya chadar
2
Bazu kahin parey hain lasha kahin para hai
Zainab ki bebasi par Ghazi tarap raha hai
Roti hai bekasi bhi farsh e aza bicha kar
3
Jo ghar me do qadam bhi paidal nahin chali hai
Ik din me wahi Zainab Abbas ban gayi hai
Pehre pe aa gayi hai tanha alam utha kar
4
Sajjad se lipat kar kehti rahi Sakina
Ehsaas ho raha hai main ho gayi yateema
Zalim dara raha hai naiza dikha dikha kar
5
Lashon ke darmiyan wo baba ko dhoondhti hai
Mun apna peet kar ye faryad kar rahi hai
Qadmon mein hi sula do baba mujhe bula kar
6
Jab aa gaye Najaf se beti ko milne baba
Zaanu pe rakh ke sar ye kehne lagi wo dukhiya
Zainab ujar gayi hai Karbobala basa kar
7
Khaimon ke sath jhola bistar bhi jal gaya hai
Namoos e Mustafa ko baghi kaha gaya hai
Le jayenge subah ko qaidi hamein bana kar
8
Guzregi kaise Yawar maqtal se shahzaadi
Abid ne raat Momin ye soch kar guzari
Zainab ka naam lega zalim jo muskura kar