Noha
یا زہرا یا زہرا
Ya Zahra
View
Urdu
یا زہرا یا زہرا
اے میری بی بی ،تیرے در پہ استغاثہ ہے
تیرا ممنون میری شہزادی یہ جہاں سارا ہے
1
تو ہمیں حفظ اور اماں دے دے
اپنی چادر کا سائباں دے دے
تیری قدرت میں کیا نہیں بی بی
تو جسے چاہے دو جہاں دے دے
اے میری بی بی ، آنسوؤں نے دعا مانگی ہے
تیری تسبیح پڑھ کے دل نے تجھے پکارا ہے
2
قرض مقروض کا ادا کر دے
مفلسوں کا نصیب و ا کر دے
جن کی گودی بھری نہیں بی بی
اُنکو اولاد تو عطا کر دے
اے میری بی بی ، بس تو ہی مراد دیتی ہے
تیری چوکھٹ درِ اِلٰہی کا استعارہ ہے
3
فرشِ مجلس پہ اور مصلے پر
ہر جواں کہہ رہا ہے رو رو کر
ہم رہیں نہ رہیں مگر بی بی
تا قیامت رہے غمِ سرور
اے میری بی بی ، تیرے بچوں کا غم مناتے ہیں
اپنی اولاد سے کہیں بڑھ کے غم یہ پیارا ہے
4
اُن شہیدوں کا یہ مقدر ہے
سائباں اِن کا تیری چادر ہے
اُنکے سینوں پہ اے میری بی بی
داغِ ماتم نشانِ حیدر ہے
اے میری بی بی ، خلد میں شہید جب جائے
تیری آواز آئے آنے دو یہ ہمارا ہے
5
خون بن کر رگوں میں ہے نوحہ
میری نسلوں میں بھی رہے نوحہ
جیسے میں نے پڑھا ہے بچپن سے
میرے بچے بھی یوں پڑھیں نوحہ
اے میری بی بی ، اِنکے دل میں ولایتِ حیدر
میرے ماں باپ کی طہارت کا ایک اِشارہ ہے
6
تیرے دل پر ہے جو ستم ٹوٹے
زندگی میں جو تو نے غم دیکھے
آسمان و زمیں پہ گر ہوتے
مِثلِ شب وہ سیاہ ہو جاتے
اے میری بی بی ، دیکھ کر تیری مصیبت کو
سارے عالم کا دل مصائب سے پارا پارا ہے
7
تجھ کو امت نے یوں ستایا ہے
مرگِ محسن پہ بھی رلا یا ہے
تجھ کو بابا کے بعد اُمّت نے
ہائے دربار میں بلایا ہے
اے میری بی بی ، کتنے صدمے اٹھائے ہیں تو نے
جیتے جی تجھ کو میری شہزادی غم نے مارا ہے
8
ہے یہی مظہر عابدی کی دعا
تیرے بچوں کا غم رہے زندہ
ساتھ عرفان کے رہے جاری
تیرے صدقے میں کاروانِ عزا
اے میری بی بی ، تیرے در پہ سر جھکاتے ہیں
ہر حسینی کا تیرے ٹکڑوں پہ ہی گزارا ہے
Roman Urdu
Ya Zahra Ya Zahra
ay meri bibi, tere dar pe istighasa hai
tera mamnoon meri shahzadi yeh jahan sara hai
1
tu humein hifz aur amaan de de
apni chadar ka saiban de de
teri qudrat mein kya nahi bibi
tu jise chahe do jahan de de
ay meri bibi, aansuon ne dua maangi hai
teri tasbih parh ke dil ne tujhe pukara hai
2
qarz maqrooz ka ada kar de
muflison ka naseeb wa kar de
jin ki godi bhari nahi bibi
unko aulaad tu ata kar de
ay meri bibi, bas tu hi murad deti hai
teri chaukhat dar-e-ilahi ka istiara hai
3
farsh-e-majlis pe aur musalle par
har jawan keh raha hai ro ro kar
hum rahein na rahein magar bibi
ta qayamat rahe gham-e-Sarwar
ay meri bibi, tere bachon ka gham manate hain
apni aulaad se kahin barh ke gham yeh pyara hai
4
un shaheedon ka yeh muqaddar hai
saiban in ka teri chadar hai
unke seenon pe ay meri bibi
daagh-e-matam nishan-e-Haider hai
ay meri bibi, khuld mein shaheed jab jaye
teri awaaz aaye aane do yeh hamara hai
5
khoon ban kar ragon mein hai nauha
meri naslon mein bhi rahe nauha
jaise maine parha hai bachpan se
mere bache bhi yun parhein nauha
ay meri bibi, inke dil mein wilayah-e-Haider
mere maa baap ki taharat ka ek ishara hai
6
tere dil par hai jo sitam toote
zindagi mein jo tu ne gham dekhe
aasman-o-zameen pe gar hote
misl-e-shab woh siyah ho jate
ay meri bibi, dekh kar teri museebat ko
sare aalam ka dil masaib se para para hai
7
tujh ko ummat ne yun sataya hai
marg-e-Mohsin pe bhi rulaya hai
tujh ko baba ke baad ummat ne
haaye darbar mein bulaya hai
ay meri bibi, kitne sadme uthaye hain tu ne
jeete ji tujh ko meri shahzadi gham ne maara hai
8
hai yahi Mazhar Abidi ki dua
tere bachon ka gham rahe zinda
saath Irfan ke rahe jaari
tere sadqe mein karwan-e-aza
ay meri bibi, tere dar pe sar jhukate hain
har Hussaini ka tere tukron pe hi guzara hai