Basta — Page 101

Jab naujawan ki lash na pai Husain ne Thokar har ek gam pe khai Husain ne Gir kar zamin pe khak urai Husain ne Dil tham kar ye bat sunai Husain ne Ankhon se sujhta nahin mujh dil-malul ko Ay zalimo, dikha do shabih-e-Rasul ko (Bashukriya sozkhwan Nadim Jamal Zaidi o Hasan Mujtaba)

Shah-e-Mazlum se Abbas ne jis dam alam paya Sarir-e-qadr mein wo ho gaya Jafar ka hum-paya Falak bhi apne pesh-e-manzilat Ghazi ne kham paya Musafir ne nishan-e-manzil-e-mulk-e-adam paya Ha bagh-e-Iram ki bu abhi se mujh ko aati hai Isi saye tale Khuld-e-barin ko rah jati hai (Bashukriya sozkhwan Zakir Husain o Mahmud Tajali)

Nikle khaime se jo hathyar lagaye Abbas Charh ke rahwar pe maidan mein aaye Abbas Ghul hua mashk-o-alam sath hain laye Abbas Han magar bund bhi pani ki na paye Abbas Gham hai pyason ka saje jang ke hathyar bhi hain Larne bhi aaye hain pani ke talabgar bhi hain (Bashukriya sozkhwan Wasi Haider o Wali Haider Zaidi)

Shor hai Sham ke lashkar mein ke Abbas aaye Aur tawatur khabar aai ke bahut pas aaye Pau-e-gham Shah-e-Shahidan se ba-sad-yas aaye Boli taqdir ke ye jang inhein ras aaye Barh ke ghore ka shujaat ne qadam chum liya Fath ne gosha-e-daman-e-alam chum liya (Bashukriya sozkhwan Bahadur Husain Rizvi o Syed Ali)

Jab mashk bhar kar nahr se Abbas Ghazi ghar chale Ek jam-e-Kausar bhar liya aur Khuld se Haider chale Hamrah Payambar chale, Hamza chale, Jafar chale Maidan ka rasta rokne kuffar ke lashkar chale Aai ghata si fauj ki kale alam khole hue Abbas jhapte sher se tigh-e-do-dam tole hue (Bashukriya sozkhwan Hakim Syed Haider Abbas o Shams-ul-Hasan)

Shabbar ka mah-e-ru tha jalalat mein lajawab Abru the Zulfiqar to chehra tha aftab Bhigi hui masen khabar-e-amad-e-ashbab Terah baras ke sin mein the jaise Abu Turab Bahr-e-jihad surat-e-Haider tane hue Jannat ke ishtiyaq mein dulha bane hue