Basta — Page 104

Jab ran mein zakhmi ho gaye Sultan-e-bahr-o-bar Shafqat se hath ghore ki gardan mein dal kar Kehne lage Husain ke aata nahin nazar Le chal mujhe tu Akbar-e-mah-ru ki lash par Ay asp-e-bawafa mere dil ko qarar de Is ka sila tujhe Shah-e-Duldul-sawar de Ghora qadam qadam su-e-maqtal hua rawan Pahunche na Shah ke zakhmon ko ta sadma-e-takan Ek naujawan ki lash pe thehra wo be-zaban Bu sungh kar Husain pukare yahi hai, han Baitha jo Zuljanah to aap utre zin se Do hath kanpte hue uthe zamin se (Bashukriya shair o sozkhwan Muzaffar Naqvi, Amrohvi)

Karbala se jab Husaini qafila luta hua Ba-libas-e-matami rota Madine ko chala Dekh kar gor-e-ghariban Ahl-e-Bait-e-Mustafa Fatiha parh kar lage rone ba-sad-aah-o-buka Bolin Zainab az zamin-e-Karbala ba-shor-o-shain Saunp kar tujh ko chali hun apna main bhai Husain Ay zamin tujh mein Ali Asghar mera pinhan hua Ay zamin tujh mein Ali Akbar mera pinhan hua Biyah ki shab Qasim-e-muztar mera pinhan hua Aun bhi pinhan hua, Jafar mera pinhan hua Itne gham, main le chali hun qatl ke bazar se Pur hua daman tera kya kya dur-e-shahwar se (Iltimas Surah Fatiha baraye sozkhwan Mushtaq Ali Khan)

Shabbir ko Khaliq ne Sakina jo ata ki Zainab ki si surat thi sab us mah-liqa ki Jis dam diya godi mein use la ke chacha ki Abbas ne hathon ko utha kar ye dua ki Rakhe tujhe ay ladli Allah salamat Duniya mein rahe sar pe tere Shah salamat (Bashukriya sozkhwan Zia-ul-Hasan o Zakir Husain baradaran)

Mirza Dabir Jab Yazid apne gunahon se pashiman hua Hans ke pahle sifat-e-zakhm wo giryan hua Subh-e-kazib ki tarah chak-gareban hua Kal ki shahzadiyon ke puchhne ka saman hua Ek taraf samne darbar mein haddad aaye Ek taraf beriyan pehne hue Sajjad aaye (Bashukriya sozkhwan Syed Ali Zaidi)