Basta — Page 109

Zard chehra hai zaif-o-zar hun Mir Anees Zard chehra hai nahif-o-zar hun Matam-e-Sajjad mein bimar hun Kehti thi Zainab duhai Ya Ali Sar barahna main sar-e-bazar hun Kehte the Abid uthe kyun kar qadam Ay sitamgaro, nahif-o-zar hun Dam-ba-dam khincho na mere hath ko Paon barh sakte nahin nachar hun Main piyada tum ho ghoron par sawar Kis tarah daurun bahut bimar hun (Bashukriya sozkhwan Faizan Haider o Anees Zaidi)

Baghaur sun le zamana, Husain aise the Shahir Lakhnavi Baghaur sun le zamana, Husain aise the Baqa, fana ko banaya, Husain aise the Churi ke niche wo Khaliq se pyar ki baten Ajal ko ho gaya sakta, Husain aise the Mukhalafat pe zamana tha us taraf lekin Wahi kiya jo kaha tha, Husain aise the Sipah-e-Sham shujaat ka loha man gayi Dabe na lakhon se tanha, Husain aise the Kamar ko bandh ke piri mein jalti reti se Uthaya bete ka lasha, Husain aise the Jawan ki lash uthai, banai qabr-e-saghir Kahin bhi azm na badla, Husain aise the Hazar shukr ke sajde shahid karta hai Bataya qatre ko darya, Husain aise the (Bashukriya Musawwir o sozkhwan Mukhtar Haider Zaidi)

Majlison se kuchh malak shishon mein bhar kar le gaye Haiyat Lakhnavi Majlison se kuchh malak shishon mein bhar kar le gaye Le gaye ansu Khuda jane ke gauhar le gaye Hum isi dar ke gada hain hum isi dar ke faqir Bhik jis dar se farishte aa ke aksar le gaye Der se pahunche dar-e-Shah-e-Najaf par hum faqir Ek uhda tha ghulami wo bhi Qanbar le gaye Jo na le jana tha wo bhi sab sitamgar le gaye Shah ka malbus-e-kuhan Zainab ki chadar le gaye Dopehar mein ek tan par zakhm khaye sainkron Ek dil par dagh, Shah-e-din bahattar le gaye Bugz kya tha ashqiya ko Fatima ke lal se Kuchh nahin to jholiyon mein bhar ke patthar le gaye Sang-dil the kya unhein dard-e-yatimi ka qalaq Kan se bali Sakina ke jo gauhar le gaye Safha-e-qirtas par chalte larazta hai qalam Abid-e-bimar ko ta Sham kyun kar le gaye