Basta — Page 136

Kahan wo fikr-e-duniya koi daman-gir rakhte hain Syed Aqil Abbas Jafari Kahan wo fikr-e-duniya daman-gir rakhte hain Ke apne hath mein jo daman-e-Shabbir rakhte hain Shab-e-Ashur ye uthte chiraghon se hua roshan Andhere mein bhi kuchh chehre ajib tauqir rakhte hain Nazar aati nahin lekin rag-e-pay mein utarti hai Ajab talwar hai jo Asghar-e-be-shir rakhte hain Unhen miqna-o-chadar se kya bhala koi Jo sar pe sayaban-e-Chadar-e-Tathir rakhte hain Zamin Hazrat-e-Munis mein rakha hai qadam lekin Na mansab se gharaz na khwahish-e-jagir rakhte hain (Bashukriya sozkhwan Aftab Zahra / Mona Begum Syed Ali Husain) Husain karb-o-bala ko bana ke soye hain Zafar Abbas Zafar

Husain karb-o-bala ko basa ke soye hain Madina chhor ke jangal mein aa ke soye hain Usi ke waste mangi thi muhlat-e-yak-shab Husain Hurr ka muqaddar jaga ke soye hain Jo sath le ke gaye dagh-e-matam-e-Shabbir Chiragh apni lahad mein jala ke soye hain Sakina pas na jhula na god-e-madar ki Kahan ye Asghar-e-nadan ja ke soye hain Zaban-e-khushk se manga tha pyas mein pani Mila hai tir magar muskura ke soye hain Utha na zauja-e-Hurr in yatim bachchon ko Tamanche Shimr ke masum kha ke soye hain Lahad bhi tar na hui haye be-kasi Husain Par ki lash pe ansu baha ke soye hain (Bashukriya sozkhwan Syed Azadar Husain Kazmi)

Ye matam ki sada zinda rahegi Suhail Shah Ye matam ki sada zinda rakhegi Hamein karb-o-bala zinda rakhegi Alam ke saye mein aaja ke tujh ko [Ek misra juzwi taur par ghair wazeh] Ali ke ishq mein mar jaye jo bhi Use us ki qaza zinda rakhegi Aza Shabbir ki marne na degi Dua-e-Sayyida zinda rakhegi Main duniya se chala jaunga lekin Mujhe Shah ki aza zinda rakhegi Hamesha qaid-khane ki faza ko Sakina ki buka zinda rakhegi Suhail apne kafan mein sath le ja Tujhe khak-e-shifa zinda rakhegi (Bashukriya salamkhwan Anees Haider Naqvi)