Basta — Page 142

Ghar se jab bahr-e-safar Syed-e-Alam nikle 1 Ghar se jab bahr-e-safar Syed-e-Alam nikle Sar jhukaye hue badiya-e-purnam nikle Khwaish-o-farzand paye bandh ke baham nikle Ro ke farmaya ke is shahr se ab hum nikle Rat se girya-e-Zahra ki sada aati hai Dekhen qismat hamein kis dasht mein le jati hai 2 Rukh kiya Shah ne su-e-qabr-e-Shahanshah-e-Anam Bahr-e-taslim mujhe muttasil-e-Bab-e-Salam Izn pa kar jo gaye qabr ke nazdik-e-Imam Arz ki aaya hai aaj aakhri rukhsat ko ghulam Ye makan hum se ab ay Shah-e-Zaman chhutta hai Aaj Hazrat ke nawase se watan chhutta hai 3 Chain se sab hain gharon mein mujhe milta nahin chain Sakht afat mein hai ab aap ka ye nur-e-ain Tukre dil hota hai jab ro ke Haram karte hain bain Nanhe bachchon ko bhala le ke kidhar jaye Husain Shahr mein chain na jangal kya aman milti hai Dekhe qabr-e-musafir ko kahan milti hai 4 Ye bayan kar ke jo tawiz se lipte Sarwar Yun hi lahrai qabr aur thahrai zarih-e-anwar Aai turbat se ye awaz-e-Habib-e-Dawar Teri ghurbat mein sadqe mere mazlum pisar Koi samjha na meri god ka pala tujh ko Haye aada ne Madine se nikala tujh ko 5 Gayi din se teri madar nahin qabr mein chain Aai thi shab ko mere pas ye karti hui bain Ghar mera lutta hai faryad Rasul-e-Saqalain Subh ko apna watan chhor ke jata hai Husain Kehne aai hun ke munh qabr se morungi main Apne bachche ko akela to na chhorungi main