Basta — Page 143
View
Roman Urdu
Urdu text
6
Shah pukare ke Khuda Hafiz-o-Nasir Amman
Aap se hota hai rukhsat ye musafir Amman
Muddat-e-zist koi dam mein hai aakhir Amman
Ab nahin aas ke aana ho yahan phir Amman
Samjhe the hum lahad mein ek hi ja honge
Kya qiyamat hai ke qabren bhi juda honge
7
Ye bayan kar ke chale wan se Shah-e-kaun-o-makan
Be-kasi chehre pe chhai thi to ansu the rawan
Log sar pit ke us dam hue yun girya-kunan
Pichhe tabut ke jis tarah se ho shor-e-fughan
Ghul tha ay Syed-e-zi-jah, Khuda ko saunpa
Ay Madine ke Shahanshah, Khuda ko saunpa
۶
شہؑ پکارے کہ خدا حافظ و ناصر اماں
آپ سے ہوتا ہے رخصت یہ مسافر اماں
مدتِ زیست کوئی دَم میں ہے آخر اماں
اب نہیں آس کہ آنا ہو یہاں پھر اماں
سمجھے تھے ہم لحد میں ایک ہی جا ہوں گے
کیا قیامت ہے کہ قبریں بھی جدا ہوں گے
۷
یہ بیاں کر کے چلے واں سے شہِ کون و مکاں
بے کسی چہرے پہ چھائی تھی تو آنسو تھے رواں
لوگ تڑپیت کے اُس دَم ہوئے یوں گریہ کناں
پیچھے تابوت کے جس طرح سے ہو شورِ فغاں
غل تھا اے سیّدِ ذی جاہ، خدا کو سونپا
اے مدینے کے شہنشاہ، خدا کو سونپا
Jati hai bahar aaj Madine ke chaman se
1
Jati hai bahar aaj Madine ke chaman se
Hai bughz-e-lainon ko Shahanshah-e-Zaman se
Tang aaye hain Shabbir ab aada ke chalan se
Karte hain bibiyan ki taraf koch-e-watan se
Farmate hain ye manzil-e-aakhir ka safar hai
Madfun musafir hun kahan, kis ko khabar hai
2
Ab main rah-e-Mabud mein ghar chhor raha hun
Aramgah-e-Khair-e-Bashar chhor raha hun
Sughra ko bhi badiya-e-tar chhor raha hun
Har chand hai bimar magar chhor raha hun
Ahbab ki furqat ka qalaq sath hai mere
Lekin ye musarrat hai ke Haq sath hai mere
3
Farmaya ye rukh kar ke su-e-qabr-e-Payambar
Nana mujhe rone se phirate hain sitamgar
Rah rah ke yahi sochta hun badi-e-muztar
Aisa na ho kat jaye Madine mein mera sar
Khun mera Madine mein jo bah jayega Nana
Is shahr ki tauqir mein farq aayega Nana
جاتی ہے بہار آج مدینے کے چمن سے
۱
جاتی ہے بہار آج مدینے کے چمن سے
ہے بغضِ لعینوں کو شہنشاہِؑ زمن سے
تنگ آئے ہیں شبیرؑ اب اعدا کے چلن سے
کرتے ہیں بیبیاں کی طرف کوچِ وطن سے
فرماتے ہیں یہ منزلِ آخر کا سفر ہے
مدفون مسافر ہوں کہاں، کس کو خبر ہے
۲
اب میں رہِ معبود میں گھر چھوڑ رہا ہوں
آرام گہِ خیرِ بشر چھوڑ رہا ہوں
صغراؑ کو بھی بادیۂ تر چھوڑ رہا ہوں
ہر چند ہے بیمار مگر چھوڑ رہا ہوں
احباب کی فرقت کا قلق ساتھ ہے میرے
لیکن یہ مسرت ہے کہ حق ساتھ ہے میرے
۳
فرمایا یہ رُخ کر کے سُوئے قبرِ پیمبرؐ
ناناؐ مجھے رونے سے پھرا تے ہیں ستمگر
رہ رہ کے یہی سوچتا ہوں بادیِ مضطر
ایسا نہ ہو کٹ جائے مدینے میں مرا سَر
خُوں میرا مدینے میں جو بہہ جائے گا ناناؐ
اِس شہر کی توقیر میں فرق آئے گا ناناؐ