Basta — Page 144

4 Phir su-e-Baqi rukh-e-mehr-e-nur phiraya Ashk ankhon se bahne lage dil gham se bhar aaya Mujra ke liye sar ba-adab apna jhukaya Ro ro ke ye Khatun-e-Qiyamat ko sunaya Amman tera ghar hota hai barbad khabar le Sar pitti hai Zainab-e-nashad khabar le 5 Zainab kamal-e-Sani-e-Qudrat ka naam hai Zainab jamal-e-ru-e-mashiyyat ka naam hai Zainab jalal-e-sahib-e-ghairat ka naam hai Zainab maal-e-kar-e-sadaqat ka naam hai Zainab hai naam-e-azm-e-Risalat-Maab ka Zainab hai naam-e-dida-e-Bu Turab ka 6 Zainab shuur-e-Din-panahi ka naam hai Zainab shua-e-nur-e-ilahi ka naam hai Zainab Yazidiyat ki tabahi ka naam hai Zainab Husainiyat ki baqa ka naam hai Zainab hai naam azmat-e-Aal-e-Rasul ka Zainab hai juzv, Din ke asl usul ka 7 Zainab dil-e-Habib-e-Ilahi ka chain hai Zainab nazir-e-Fateh-e-Badr-o-Hunain hai Zainab Janab-e-Fatima ki nur-e-ain hai Zainab sharik-e-kar-e-Imam-e-Husain hai Zainab Husainiyat ki mukammal kitab hai Zainab Yazidiyat ka mudallal jawab hai 8 Zainab hai gulistan-e-siyadat ki pasban Zainab hai Mustafa ki shariat ki pasban Zainab hai karwan-e-hidayat ki pasban Zainab hai har Nabi ki nubuwwat ki pasban Zainab ki walida hai risalat ke sath sath Zainab rahegi zinda imamat ke sath sath