Basta — Page 145
View
Roman Urdu
Urdu text
Rone bhi na payegi meri lash pe Zainab
1
Jab chale Yasrib se Sibt-e-Mustafa su-e-Iraq
Thi dar-o-diwar se paida sada-e-al-firaq
Jadd ke rauze pe gaye rukhsat ko ba-sad ishtiyaq
Arz ki Nana bulate hain mujhe Ahl-e-Nifaq
Ho gaya daryaft ye khat ke qarine se mujhe
Karte hain zalim juda is dam Madine se mujhe
2
Dekhna ye mausam-e-garma ye bachche nazanin
Dhup ki shiddat ye registan hai aur jalti zamin
Ab watan mein apne zinda wapas aane ke nahin
Aap ka rauza kahin hoga mera marqad kahin
Tafriqa ummat ne dala sar bhara hum chale
Fatima Sughra rahi marqad ke saye ke tale
3
Apni apni ja chhupe baithe hain sare wahsh-o-tair
Main chala hun is tapish mein dekhiye ummat ka bair
Ye safar aur sath kunba, log dushman, mulk ghair
Mujh pe jo guzre so guzre bachchon ki khair
Dekhiye Haq mein mere kya marzi-e-Ghaffar hai
Fatima Sughra juda ghar mein yahan bimar hai
4
Hai safar garmi ka aur bachche mere hamrah hain
Gul se nazuk-tar kahin ye rashk-e-mehr-o-mah hain
Manzilon darya nahin aur na koson chah hain
Dar-pay-e-tazlil-o-iza dushman-e-badkhwah hain
Hum hain aur ghurbat hai aur Khaliq ki zat-e-pak hai
Wadi-e-wahshat hai aur sahra-e-afatnak hai
5
Marqad-e-purnur se itne mein aai ye sada
Kya karun Shabbir dil sine mein tukre ho gaya
Gosha-e-marqad mein bismil sa tarapta hun para
Kya karun kuchh bas nahin hai jo raza-e-Kibriya
Is safar mein tujh ko chhorunga na ay dilkhwah main
Pitta rota chalunga Karbala hamrah main
6
Ay mere lakht-e-jigar aisi jagah hai Karbala
Ranj uthate aaye hain jis ja pe khasan-e-Khuda
Hazrat-e-Adam ne thokar khai khun pa se baha
Aa gaya tha wan talatum mein safina Nuh ka
Maurid-e-afat wo ja ay mere dilkhwah hai
Aur khususan wo jagah teri to wada-gah hai
رونے بھی نہ پائے گی مری لاش پہ زینبؑ
۱
جب چلے یثرب سے سبطِ مصطفیٰؐ سُوئے عراق
تھی در و دیوار سے پیدا صدائے الفراق
جدّ کے روضے پہ گئے رُخصت کو باصد اشتیاق
عرض کی نانا بُلاتے ہیں مجھے اہلِ نفاق
ہو گیا دریافت یہ خط کے قرینے سے مجھے
کرتے ہیں ظالم جُدا اِس دَم مدینے سے مجھے
۲
دیکھنا یہ موسمِ گرما یہ بچّے نازنیں
دھوپ کی شدت یہ ریگستاں ہے اور جلتی زمیں
اب وطن میں اپنے زندہ واپس آنے کے نہیں
آپ کا روضہ کہیں ہو گا مرا مرقد کہیں
تفرقہ اُمت نے ڈالا سَر بھرا ہم چلے
فاطمہؑ صغراؑ رہی مرقد کے سائے کے تلے
۳
اپنی اپنی جا چھپے بیٹھے ہیں سارے وُحش و طیر
میں چلا ہوں اِس تپش میں دیکھئے اُمت کا بیر
یہ سفر اور ساتھ کنبا، لوگ دُشمن، ملک غیر
مجھ پہ جو گزرے سو گزرے بچّوں کی خیر
دیکھئے حق میں مرے کیا مرضیِ غفار ہے
فاطمہؑ صغراؑ جُدا گھر میں یہاں بیمار ہے
۴
ہے سفر گرمی کا اور بچے مرے ہمراہ ہیں
گل سے نازک تر کہیں یہ رشکِ مہر و ماہ ہیں
منزلوں دریا نہیں اور نہ کوسوں چاہ ہیں
در پئے تذلیل و ایذا دشمنِ بدخواہ ہیں
ہم ہیں اور غربت ہے اور خالق کی ذاتِ پاک ہے
وادیِ وحشت ہے اور صحرائے آفت ناک ہے
۵
مرقدِ پُر نور سے اتنے میں آئی یہ صدا
کیا کروں شبیرؑ دل سینے میں ٹکڑے ہو گیا
گوشۂ مرقد میں بسمل سا تڑپتا ہوں پڑا
کیا کروں کچھ بس نہیں ہے جو رضائے کبریا
اِس سفر میں تجھ کو چھوڑوں گا نہ اے دل خواہ میں
پیٹتا روتا چلوں گا کربلا ہمراہ میں
۶
اے مرے لختِ جگر ایسی جگہ ہے کربلا
رنج اُٹھاتے آئے ہیں جس جا پہ خاصانِ خدا
حضرتِ آدمؑ نے ٹھوکر کھائی خوں پا سے بہا
آ گیا تھا واں تلاطم میں سفینہ نوحؑ کا
موردِ آفت وہ جا اے مرے دل خواہ ہے
اور خصوصاً وہ جگہ تیری تو وعدہ گاہ ہے