Basta — Page 146

7 Sun ke ye baten hui har ek ki halat tabah Thi sada-e-Wa Husaina nala-o-faryad-o-aah Us taraf hilta tha gumbad is taraf rote the Shah Dam-ba-dam marqad pe thi ek yas-o-hasrat ki nigah Haye jab rukhsat hue qabr-e-Rasulullah se Dur tak dekha kiye mur mur ke hasrat rah se 8 Rukhsat-e-Khair-ul-Bashar se dil hua Shah ka figar Aaye man ki qabr par rukhsat ko rote zar zar Qabr-e-madar par jhuka milne ko jab wo be-qarar Fatima Zahra ki turbat kanp uthi ek bar Sare Ansar-o-Quraish us waqt ji khone lage Mard-o-zan jitne khare the sab ke sab rone lage

Jab hua Yusuf-e-Zahra ka safar Yasrib se 1 Jab hua Yusuf-e-Zahra ka safar Yasrib se Chand Haider ka chala waqt-e-sahar Yasrib se Sath rahi hue sab khwaish-o-pisar Yasrib se Nikle maghmum Shah-e-jinn-o-bashar Yasrib se Lahad-e-Khatm-e-Rusul, turbat-e-Zahra chhuti Ghar buzurgon ka chhuta, Fatima Sughra chhuti 2 Sughra kehti thi na gham kijiye bimari ka Paon par girti hun main mujh ko na chhoro lillah Hath mein jorti hun ay mere achchhe Baba Rahm kijiye meri halat pe ye laundi ho fida Achchhi main ho lun to hun yan se rawana Baba Ya main duniya se guzar jaun to jana Baba 3 Keh ke ye Shah se munh pher ke wo rone lagi Bat se bas na chala ashkon se munh dhone lagi Yas jane se hui, jaan-e-hazin khone lagi Haram-e-Shah mein faryad-o-buka hone lagi Un ko aram na tha be-kas-o-tanha ke liye Munh ko aate the jigar beti-e-Sughra ke liye