Basta — page 152 | Kalam Archive

View

Text sizeLine spacing

Original scan of Basta page 152 — Original book page

Roman Urdu

Urdu text

7 Ye sab to mere sath hain afat ke safar mein Par Fatima Sughra ko main chhor aaya hun ghar mein Hai us ki judai se ajab dard jigar mein Dar hai kahin mar jaye na wo hijr-e-pidar mein Roye to mere sar ki qasam dijiyo bhai Bimar ko sine se laga lijiyo bhai 8 Sughra ka suna naam to Bano ye pukari Keh dijiyo madar tumhein bhuli nahin pyari Bahnon ko bhi hai ath pahar yaad tumhari Asghar meri godi mein kiya karta hai zari Raton ko tere gham mein nahin soti hai Kubra Jab zikr tera hota hai tab roti hai Kubra Syed Muhammad Raza Yas Hai pyas aur lab-e-darya khara hai Wafadari ki goya intiha hai Na ho mahsus pani ki kami tak Jari ne aise mashkiza bhara hai Bashukriya sozkhwan Zahur Haider Rizvi / Imtiyaz Raza

۷ یہ سب تو مِرے ساتھ ہیں آفت کے سفر میں پُر فاطمہؑ صغراؑ کو میں چھوڑ آیا ہوں گھر میں ہے اُس کی جُدائی سے عجب درد جگر میں ڈر ہے کہیں مرجائے نہ وہ ہجرِ پدر میں روئے تو مِرے سَر کی قسم دیجیو بھائی بیمار کو سینے سے لگا لیجیو بھائی ۸ صغراؑ کا سُنا نام تو بانوؑ یہ پکاری کہہ دیجیو مادر تمہیں بھولی نہیں پیاری بہنوں کو بھی ہے آٹھ پہر یاد تمہاری اصغرؑ مری گودی میں کیا کرتا ہے زاری راتوں کو ترے غم میں نہیں سوتی ہے کبراؑ جب ذکر ترا ہوتا ہے تب روتی ہے کبراؑ سید محمد رضا یاس ہے پیاس اور لبِ دریا کھڑا ہے وفاداری کی گویا انتہا ہے نہ ہو محسوس پانی کی کمی تک جری نے ایسے مشکیزہ بھرا ہے بشکریہ سوزخواں ظہور حیدر رضوی / امتیاز رضا

Watan se chhut ke koi khasta-jan shahid na ho 1 Watan se chhut ke koi khasta-jan shahid na ho Koi musafir-e-be-khanaman shahid na ho Kisi ke ghar pe koi mehman shahid na ho Shahid ho to wo tishna-dahan shahid na ho Safar mein maut ka aana bari musibat hai Jo lash dafn na ho aur bhi qiyamat hai 2 Hua ye zulm zamane mein do gharibon par Wo ek be-kas-o-muztar hai Fatima ka pisar Aur ek Muslim-e-be-par gharib-o-khasta-jigar Koi na un ka muin tha na aap ka yawar Qalaq ye tha ke Shah-e-Mashriqain bhi bichhre Paraye des mein do nur-e-ain bhi bichhre 3 Muqim-e-khana-e-Hani the Muslim-e-pur-gham Unhein bhi qatl kiya zalimon ne haye sitam Ye inqilab ye rang-e-do-rangi-e-alam Aman ki fikr mein dar dar phire Safir-e-Haram Barhi jo pyas bahut tharthara ke baith gaye Qarib-e-shab dar-e-Taua pe aa ke baith gaye

وطن سے چھوٹ کے کوئی خستہ جاں شہید نہ ہو ۱ وطن سے چُھوٹ کے کوئی خستہ جاں شہید نہ ہو کوئی مسافرِ بے خانماں شہید نہ ہو کسی کے گھر پہ کوئی مہماں شہید نہ ہو شہید ہو تو وہ تشنہ دہاں شہید نہ ہو سفر میں موت کا آنا بڑی مصیبت ہے جو لاش دفن نہ ہو اور بھی قیامت ہے ۲ ہوا یہ ظلم زمانے میں دو غریبوں پر وہ ایک بے کس و مضطر ہے فاطمہؑ کا پسر اور ایک مسلمِ بے پَر غریب و خستہ جگر کوئی نہ اُن کا معیں تھا نہ آپ کا یاور قلق یہ تھا کہ شہِ مشرقین بھی بچھڑے پَرائے دیس میں دو نورِ عین بھی بچھڑے ۳ مقیمِ خانۂ ہانیؑ تھے مسلمِ پُر غم اُنہیں بھی قتل کیا ظالموں نے ہائے ستم یہ انقلاب یہ رنگِ دو رنگیِ عالم اماں کی فکر میں در در پھرے سفیرِ حرم بڑھی جو پیاس بہت تھرتھرا کے بیٹھ گئے قریبِ شب دَرِ طوعہ پہ آ کے بیٹھ گئے