Basta — page 153 | Kalam Archive

View

Text sizeLine spacing

Original scan of Basta page 153 — Original book page

Roman Urdu

Urdu text

4 Makan se nikli jo Taua to boli ghabra kar Ke aap kaun hain baithe hain kis liye dar par Dabi zaban se kaha ek gharib hun, khwahar Pila de aap mujhe bahr-e-Saqi-e-Kausar Ye sun ke nazr-e-Imam-e-Anam le aai Mahal mein ja ke wo pani ka jam le aai 5 Wo aab pi ke bhi uthe na jab to us ne kaha Ke pani pi chuke ab ghar ko jao bahr-e-Khuda Amir karne ko Muslim ke phirte hain aada Ayal, fikr mein honge ke reh gaye kis ja Ghazab hai phir jo gharibon ke dil ko kal na pare Talash mein koi Bibi kahin nikal na pare 6 Ye sun ke aah bhari aur kaha ba-dida-e-tar Na baithe tere dar par kahin jo hota ghar Kahan ayal, jinhein fikr hogi ay khwahar Yahan bahen hai na bhai na zauja-o-dukhtar Na jane wo bhi yunhi gham mein kis tarah se hain Husain hum se juda, hum juda Husain se hain 7 Ye naam sun ke pukari wo ashiq-e-Zahra Husain aap ke kya hain kaha mere Maula Wo boli naam-o-nasab kuchh bataiye lillah Kaha ke mard-e-gharib-ul-watan mein hi kya Watan wohi hai jahan Ahl-e-Bait rehte hain Mujhe Husain ka adna ghulam kehte hain 8 Ye sun ke us ne tarap kar kaha ba-shiddat-e-gham Ye khaksar bhi hai ek kaniz-e-Shah-e-Umam Chhupao mujh se na lillah, hal-e-dard-o-alam Bata do naam, tumhein jaan-e-Fatima ki qasam Kaha Haram se jo chhuta wo be-nasib hun main Wakil-e-Sibt-e-Nabi, Muslim-e-gharib hun main Bashukriya sozkhwan Ahliyat Sultana Rizvi Hazrat Shadan Dehlavi Baithi hui diwar uthani hogi Gir pari hui dastar uthani hogi Haq bhik nahin jo apni se mil jaye Is ke liye talwar uthani hogi Bashukriya sozkhwan Chaudhry Sajid Husain Zaidi o Naib

۴ مکاں سے نکلی جو طوعہ تو بولی گھبرا کر کہ آپ کون ہیں بیٹھے ہیں کس لیے در پَر دبی زباں سے کہا اک غریب ہوں، خواہر پلا دے آپ مجھے بہرِ ساقیِ کوثر یہ سُن کے نذرِ امامِ انام لے آئی محل میں جا کے وہ پانی کا جام لے آئی ۵ وہ آب پی کے بھی اُٹھے نہ جب تو اُس نے کہا کہ پانی پی چکے اب گھر کو جاؤ بہرِ خدا امیر کرنے کو مسلمؑ کے پھرتے ہیں اعدا عیال، فکر میں ہوں گے کہ رہ گئے کس جا غضب ہے پِھر جو غریبوں کے دل کو کَل نہ پڑے تلاش میں کوئی بی بی کہیں نکل نہ پڑے ۶ یہ سُن کے آہ بھری اور کہا بدیدۂ تر نہ بیٹھتے ترے در پَر کہیں جو ہوتا گھر کہاں عیال، جنہیں فکر ہو گی اے خواہر یہاں بہن ہے نہ بھائی نہ زوجہ و دختر نہ جانے وہ بھی یونہی غم میں کس طرح سے ہیں حسینؑ ہم سے جُدا، ہم جُدا حسینؑ سے ہیں ۷ یہ نام سُن کے پکاری وہ عاشقِ زہراؑ حسینؑ آپ کے کیا ہیں کہا مرے مولا وہ بولی نام و نسب کچھ بتائیے للہ کہا کہ مردِ غریب الوطن میں ہی کیا وطن وہی ہے جہاں اہلِ بیتؑ رہتے ہیں مجھے حسینؑ کا ادنیٰ غلام کہتے ہیں ۸ یہ سُن کے اُس نے تڑپ کر کہا بشدتِ غم یہ خاکسار بھی ہے اک کنیزِ شاہِ امم چھپاؤ مجھ سے نہ للہ، حالِ درد و الم بتادو نام، تمہیں جانِ فاطمہؑ کی قسم کہا حرم سے جو چھوٹا وہ بے نصیب ہوں میں وکیلِ سبطِ نبیؐ، مسلمِ غریب ہوں میں بشکریہ سوزخواں اہلیت سلطانہ رضوی حضرت شاداں دہلوی بیٹھی ہوئی دیوار اٹھانی ہوگی گر پڑی ہوئی دستار اٹھانی ہوگی حق بھیک نہیں جو اپنی سے مل جائے اس کے لئے تلوار اٹھانی ہوگی بشکریہ سوزخواں چوہدری ساجد حسین زیدی و نائب