Basta — page 154 | Kalam Archive

View

Text sizeLine spacing

Original scan of Basta page 154 — Original book page

Roman Urdu

Urdu text

Insan ke liye maut hai gham-e-be-watani ka 1 Insan ke liye maut hai gham be-watani ka Jankah hai andoh-o-alam be-watani ka Sadma nahin kuchh maut se kam be-watani ka Afat hai qiyamat hai sitam be-watani ka Kanton ke alam Syed-e-Sajjad se puchho Iza-e-safar Muslim-e-nashad se puchho 2 Ki sakht dagha Kufiyon ne ghar mein bula kar Sab phir gaye jin logon ke dawe the wafa ke Lakhon hain adu janen kidhar jaan bacha ke Afat mein giraftar hue Kufe mein aa ke Yawar nahin hamdam nahin ghamkhwar nahin hai Narghe mein hain aur koi madadgar nahin hai 3 Munh kar ke su-e-charkh kaha, shukr Khudaya Rahat hai ye bande ne jo kuchh zulm uthaya Gham ye hai ke hai dur Yadullah ka jaya Shabbir ke hathon se kafan hum ne na paya Duniya se su-e-Khuld koi dam mein safar hai Yan hum pe jo kuchh ban gayi un ko khabar hai 4 Ye kehte the Muslim ke lainon ne qaza ra Ek sang-e-sitam us lab-e-majruh pe mara Rish aur gareban mein lahu bhar gaya sara Jab hal ye pahuncha to kahan jang ka yara Aada se kaha dil mein zara rahm ko ja do Ghash aata hai pani mujhe thora sa pila do 5 Kab sunte the be-kas ka sukhan zulm ke bani The qatl ki tadbir mein wo dushman-e-jani Le aai zaifa wahin ek jam mein pani Qismat ne magar bujhne na di tishna-dahani Sukhi hui thi gul si zaban khushk gulu tha Us pani ko munh se jo lagaya to lahu tha 6 Phenke use jab khak pe ba-dida-e-giryan Ek jam zaifa ne diya phir unhein us aan Pine bhi na paya tha koi ghunt wo zishan Pani mein juda ho ke gire gauhar-e-dandan Farmaya ke sabit hua pyase hi marenge Ab Saqi-e-Kausar hamein sairab karenge

انسان کیلئے موت ہے غمِ بے وطنی کا ۱ انساں کیلئے موت ہے غم بے وطنی کا جانکاہ ہے اندوہ و الم بے وطنی کا صدمہ نہیں کچھ موت سے کم بے وطنی کا آفت ہے قیامت ہے ستم بے وطنی کا کانٹوں کے الم سیّدِ سجادؑ سے پوچھو ایذائے سفر مسلمِؑ ناشاد سے پوچھو ۲ کی سخت دغا کوفیوں نے گھر میں بلا کر سب پھر گئے جن لوگوں کے دعوے تھے وفا کے لاکھوں ہیں عدو جانیں کدھر جان بچا کے آفت میں گرفتار ہوئے کوفے میں آ کے یاور نہیں ہمدم نہیں غم خوار نہیں ہے نرغے میں ہیں اور کوئی مددگار نہیں ہے ۳ منہ کر کے سُوئے چرخ کہا، شکر خدایا راحت ہے یہ بندے نے جو کچھ ظلم اٹھایا غم یہ ہے کہ ہے دور یداللہ کا جایا شبیرؑ کے हाथों سے کفن ہم نے نہ پایا دنیا سے سُوئے خلد کوئی دَم میں سفر ہے یاں ہم پہ جو کچھ بن گئی اُن کو خبر ہے ۴ یہ کہتے تھے مسلمؑ کہ لعینوں نے قضا را اک سنگِ ستم اُس لبِ مجروح پہ مارا ریش اور گریباں میں لہو بھر گیا سارا جب حال یہ پہنچا تو کہاں جنگ کا یارا اعدا سے کہا دل میں ذرا رحم کو جا دو غش آتا ہے پانی مجھے تھوڑا سا پلا دو ۵ کب سنتے تھے بیکس کا سخن ظلم کے بانی تھے قتل کی تدبیر میں وہ دشمنِ جانی لے آئی ضعیفہ وہیں اک جام میں پانی قسمت نے مگر بجھنے نہ دی تشنہ دہانی سُوکھی ہوئی تھی گل سی زباں خشک گلو تھا اُس پانی کو منہ سے جو لگایا تو لہو تھا ۶ پھینکا اُسے جب خاک پہ بادیدۂ گریاں اک جام ضعیفہ نے دیا پھر اُنہیں اُس آں پینے بھی نہ پایا تھا کوئی گھونٹ وہ ذیشاں پانی میں جُدا ہو کے گرے گوہرِ دنداں فرمایا کہ ثابت ہوا پیاسے ہی مریں گے اب ساقیِ کوثر ہمیں سیراب کریں گے