Basta — Page 160

4 Aab-dida ho lainon se ye bole Shabbir Aap ke ab to dikhaye hamein jo kuchh taqdir Khayenge ab to tigh-o-tabar-o-khanjar-o-tir Par Khuda ka hai shahid ke main hun be-taqsir Nahr se garmi ke mausam mein uthate ho mujhe Kya milega tumhein nahaq jo satate ho mujhe

Haftum mah-e-Muharram ki hui jabke sahar 1 Haftum-e-mah-e-Muharram ki hui jabke sahar Aur namaz-e-sahari se hue farigh Sarwar Di khabardar ne jamiat-e-aada ki khabar Shah-e-be-kas ne kaha, Khuda par hai nazar Aane do aate hain jo tigh-o-sipar bandhe hue Baithe hain marne pe yan hum kamar bandhe hue 2 Shab-e-hashtum se nuhum tak rahe sunte yahi hal Har taraf se chale aate hain udhar Ahl-e-Zalal Yan tarapte the pare Shah ke pyase atfal Ahl-e-Ismat ko tha gham be-kasi-e-Shah ka kamal Kehte the sab hain adu dost na aaya koi Sibt-e-Ahmad ki madad karne na paya koi 3 Subh-e-qatl-e-Shah-e-Mazlum numayan hui jab Uth ke Sajjad se, Shah ne poshak talab Munh pe rumal liye roti thi baithi Zainab Dauri kehti hui bhaiya na kahin ki rahi ab Gar qadam aap ne khaime se nikala bhai Phir raha kaun mera puchhne wala bhai