Basta — page 167 | Kalam Archive

View

Text sizeLine spacing

Original scan of Basta page 167 — Original book page

Roman Urdu

Urdu text

Ran mein Zainab ki jo aghosh ke pale aaye 1 Ran mein Zainab ki jo aghosh ke pale aaye Donon kis shan se hathiyar sambhale aaye Ghore chamkate hue bhale nikale aaye Qatl karne ko sawaron ke risale aaye Ja pare sher chamakti hui talwaron mein Ghir gaye donon jari lakh sitamgaron mein 2 Kahan do tifl-e-saghir aur kahan lakh adu Lare is darja ke shal ho gaye donon bazu Barchhiyan marin lainon ne jo pa kar qabu Dagmagane lage rahwaron pe wo tishna-gulu Misl-e-gul dub gaye khun mein jame un ke Munh pe sehra hue kat kat ke amame un ke 3 Zof se har ne jhuk jhuk ke jo sambhle kai bar Ghul machane lage maidan mein tab zulm-shiar Lo mubarak ho ke mare gaye ye sina-figar Girte hain ghoron se Hazrat ki bahen ke dildar Tukre tukre hain badan zakhm bahut khaye hain Paon donon rikabon se nikal aaye hain 4 Di ye Hazrat ne sada tham ke hathon se jigar Char ankhen meri tum se nahin hotin khwahar Ahl-e-kin mein ye ghul karte hain khush ho ho kar Tukre se hue Zainab ke be-kas ke pisar Nahin malum wo narghe mein kahan hain khwahar Bhanje ankhon se Mamun ki nihan hain khwahar 5 Abhi Zainab se ye kehte the Shah-e-Karb-o-Bala Aur khari hathon se sar pitti thi wo dukhiya Itne mein bhanjon ki aai ye Hazrat ko sada Lo ghulamon ki khabar ay Khalaf-e-Sher-e-Khuda Tan se hum donon ke sar katne ki tayyari hai Ay madadgar-e-jahan, waqt-e-madadgari hai 6 Ye sada sunte hi daure gaye ran mein Sher-e-Din Na falak sar jhukta tha aur na ankhon se zamin Biyaban se tigh jo baithi aage se lain Khun mein ghaltan nazar aaye unhein wo mah-jabin Khak par gir ke ba-sad dard pukare Shabbir Haye ay bhanjo, qurban tumhare Shabbir

رن میں زینبؑ کی جو آغوش کے پالے آئے ۱ رن میں زینبؑ کی جو آغوش کے پالے آئے دونوں کس شان سے ہتھیار سنبھالے آئے گھوڑے چمکاتے ہوئے بھالے نکالے آئے قتل کرنے کو سواروں کے رسالے آئے جا پڑے شیر چمکتی ہوئی تلواروں میں گھر گئے دونوں جری لاکھ ستمگاروں میں ۲ کہاں دو طفلِ صغیر اور کہاں لاکھ عدو لڑے اِس درجہ کہ شل ہو گئے دونوں بازو برچھیاں ماریں لعینوں نے جو پا کر قابو ڈگمگانے لگے رہواروں پہ وہ تشنہ گلو مثلِ گل ڈوب گئے خوں میں جامے اُن کے منہ پہ سہرہ ہوئے کٹ کٹ کے عمامے اُن کے ۳ ضعف سے ہر نے جُھک جُھک کے جو سنبھلے کئی بار غل مچانے لگے میدان میں تب ظلم شعار لو مبارک ہو کہ مارے گئے یہ سینہ فگار گرتے ہیں گھوڑوں سے حضرتؑ کی بہن کے دلدار ٹکڑے ٹکڑے ہیں بدن زخم بہت کھائے ہیں پاؤں دونوں رکابوں سے نکل آئے ہیں ۴ دی یہ حضرتؑ نے صدا تھام کے ہاتھوں سے جگر چار آنکھیں مری تم سے نہیں ہوتیں خواہر اہلِ کیں میں یہ غل کرتے ہیں خوش ہو ہو کر ٹکڑے سے ہوئے زینبؑ کے بیکس کے پسر نہیں معلوم وہ نرغے میں کہاں ہیں خواہر بھانجے آنکھوں سے ماموں کی نہاں ہیں خواہر ۵ ابھی زینبؑ سے یہ کہتے تھے شہؑ کرب و بلا اور کھڑی ہاتھوں سے سَر پیٹتی تھی وہ دُکھیا اتنے میں بھانجوں کی آئی یہ حضرتؑ کو صدا لو غلاموں کی خبر اے خلفِ شیرِ خدا تن سے ہم دونوں کے سَر کٹنے کی تیاری ہے اے مددگارِ جہاں، وقتِ مددگاری ہے ۶ یہ صدا سنتے ہی دوڑے گئے رن میں شیر دیں نہ فلک سر جھکتا تھا اور نہ آنکھوں سے زمیں بیاباں سے تیغ جو بیٹھی آگے سے لعیں خون میں غلطاں نظر آئے انہیں وہ ماہ جبیں خاک پر گر کے بصد درد پکارے شبیرؑ ہائے اے بھانجو، قربان تمہارے شبیرؑ