Basta — Page 180

Pahuncha jo ran mein Shabbar zi-jah ka pisar 1 Pahuncha jo ran mein Shabbar zi-jah ka pisar Hujjat tamam kar ke dua ba-kar-o-far Aarzu ko di wo jhuke namiyon ke sar Man ke boli shukr Khudawand-e-bahr-o-bar Kunbe mein bat reh gayi wo kam ho gaya Ran mein bap ka bara naam ho gaya 2 Baten ye ho rahi thin Haram mein ke ek bar Qasim pe mil ke tut pari fauj-e-nabakar Simte idhar udhar se hazaron zabun-shiar Charon taraf se parne lage lab pe war Harbe liye the qurb mein jo bad-shuur the Patthar wo marte the jo majma se dur the 3 Girte hi khak par jo hua ghash wo mah-liqa Fauj-e-adu mein fath ke bajon ka ghul hua Man ne sada suni to ye dil tham kar kaha Meri kamai nek lagi shukr-e-Kibriya Bachche pe mere mehr hui Zuljalal ki Lo niyo barat charhi mere lal ki 4 Pahunche jo lash-e-Ibn-e-Hasan par ba-hal-e-zar Dekha ke sar ko katne wale hain bad-shiar Ghusse se kanpne lage Abbas-e-namdar Lalkar ke barhe sifat-e-Sher-e-Kirdigar Bhage adu jo dar ke to naqsha badal gaya Bajal chal mein us yatim ka lasha kuchal gaya 5 Rote hue qarib jo aaye Shah-e-Huda Dekhe tamam uzw-e-burida juda juda Hathon se dil pakar ke kaha Wa Muhammada Ummat ka ye suluk to dekho paye Khuda Ibn-e-Hasan ki jaan pe sadme guzar gaye Lo Nana jaan Qasim-e-nashad mar gaye