Basta — page 182 | Kalam Archive

View

Text sizeLine spacing

Original scan of Basta page 182 — Original book page

Roman Urdu

Urdu text

Qarib-e-lasha-e-Qasim jo pahunche Sarwar-e-din 1 Qarib-e-lasha-e-Qasim jo pahunche Sarwar-e-din To aise hal mein aaya nazar wo jism-e-hasin Ke thori der to aa hi saka na dil ko yaqin Kahin tha kuchla hua jism, dast-o-pa the kahin Ek aah bhar ke Shah-e-din zamin pe baith gaye Jahan khare the laraz kar wahin pe baith gaye 2 Labon pe sabr ki bandish thi dil mein hashr bapa Uthaye barh ke zamin se kate hue aaza Na jane kaise tan-e-muntashir ko jama kiya Aba pe rakh ke uthaya janaza-e-Qasim ka Larazte hathon pe jaise pahar uthaye hue Chale Husain su-e-khaima sar jhukaye hue 3 Magar ye sochte jaate the dil mein Sibte Nabi Main jab chala tha to khaime ke dar pe thin bhabhi Haram mein pahunchunga jab le ke lasha-e-Qasim ki Bajaye lasha woh dekhen gi khoon bhari gathri Pisar ko dekh ke yun pamal kiya hoga Hai gair haal mera, maa ka haal kya hoga 4 Haram mein pahunche to dekha ke hashr hai barpa Bilak rahi hai Sakina, khamosh hai Kubra Tadap ke maa ne su-e-lashe-e-pisar dekha Jigar ko thaam ke bolin ye kya hua bhayya Main ye jaanti thi sar katayenge Qasim Ye kya khabar thi ke yun wapas aayenge Qasim 5 Kaha Imam ne bhabhi na kijiye iska malal Hua shaheedon mein mumtaz aap ka ye lal Nahin hai qismat Qasim hi jism ka ye haal Hamari lash bhi hogi is tarah pamal Wohi hamari bhi hogi jo in ki halat hai Husain ho ke Hasan ho sab ki ek qismat hai 6 Khuda ka shukr karo lash-e-Qasim aa to gayi Hamari lash to layega bhi na ran se koi Phir is pe hoga ye turfa sitam bhi ae bhabhi Ke noch legi libas-e-badan bhi fauj-e-shaqi Jhulasti hogi hawa, dhoop bhi kari hogi Hamari lash yun hi dasht mein pari hogi

قریبِ لاشۂ قاسمؑ جو پہنچے سرورِؑ دیں ۱ قریبِ لاشۂ قاسمؑ جو پہنچے سرورِؑ دیں تو ایسے حال میں آیا نظر وہ جسمِ حسیں کہ تھوڑی دیر تو آہی سکا نہ دل کو یقیں کہیں تھا کچلا ہوا جسم، دست و پا تھے کہیں اک آہ بھر کے شہِ دیں زمیں پہ بیٹھ گئے جہاں کھڑے تھے لرز کر وہیں پہ بیٹھ گئے ۲ لبوں پہ صبر کی بندش تھی دل میں حشر بپا اُٹھائے بڑھ کے زمیں سے کٹے ہوئے اعضا نہ جانے کیسے تنِ منتشر کو جمع کیا عبا پہ رکھ کے اٹھایا جنازۂ قاسمؑ کا لرزتے ہاتھوں پہ جیسے پہاڑ اُٹھائے ہوئے چلے حسینؑ سُوئے خیمہ سَر جُھکائے ہوئے ۳ مگر یہ سوچتے جاتے تھے دل میں سبط نبی میں جب چلا تھا تو خیمے کے در پی تھیں بھابھی حرم میں پہنچوں گا جب لے کے لاش قاسمؑ کی بجائے لاش وہ دیکھیں گی خوں بھری گھٹڑی پسر کو دیکھ کے یوں پامال کیا ہوگا ہے غیر حال مرا، ماں کا حال کیا ہوگا ۴ حرم میں پہنچے تو دیکھا کہ حشر ہے برپا بلک رہی ہے سکینہؑ خموش ہے کبریٰؑ تڑپ کے ماں نے سُوئے لاشۂ پسر دیکھا جگر کو تھام کے بولیں یہ کیا ہُوا بھیا میں یہ جانتی تھی سَر کٹائیں گے قاسمؑ یہ کیا خبر تھی کہ یوں واپس آئیں گے قاسمؑ ۵ کہا امامؑ نے بھابھی نہ کیجئے اِس کا ملال ہوا شہیدوں میں ممتاز آپ کا یہ لال نہیں ہے قسمت قاسم ہی جسم کا یہ حال ہماری لاش بھی ہوگی اس طرح پامال وہی ہماری بھی ہو گی جو ان کی حالت ہے حسین ہو کے حسن ہو سب کی ایک قسمت ہے ۶ خدا کا شکر کرو لاش قاسمؑ آ تو گئی ہماری لاش تو لائے گا بھی نہ رن سے کوئی پھر اس پہ ہو گا یہ طرفہ ستم بھی اے بھابھی کہ نوچ لے گی لباسِ بدن بھی فوجِ شقی جھلستی ہو گی ہوا، دھوپ بھی کڑی ہو گی ہماری لاش یوں ہی دشت میں پڑی ہوگی