Basta — Page 183

Hamari lash yunhi dasht mein pari hogi 1 Mashk bhar kar su-e-khaima jo Alamdar chale Rokne ke liye rasta, sitam-atwar chale Ye ba-surat jo urate hue zinhar chale Tir barsate hue lakh sitamgar chale Ab laren ya alam-o-mashk sambhalen Abbas Bag len ghore ki ya tir nikalen Abbas 2 Haye laakhon wo shaqi aur wo tanha Jarrar Ay dil-e-afgar ke saqqe teri jurat ke nisar Is tarah mashk ko danton mein dabaya ek bar Jis tarah Sher-e-Ghazanfar ke munh mein ho shikar War parte hain to ye sar ko jhuka lete hain Mashk ko sina-e-zakhmi se chhupa lete hain 3 Dil mein kehte hain ke Ya Haider-e-Safdar aao Bachchi mar jayegi mashkize ko tiron se bachao Kabhi farmate hain ay Shamiyo ye qahr na dhao Sar mera kat lo par mashk ko nawak na lagao Qatl ke baad bhi Abbas ko iza dena Par Sakina ki amanat use pahuncha dena 4 The isi tarah su-e-khaima Shabbir rawan Yak-ba-yak chashm-e-mubarak mein gira ek paikan Tir kha kar abhi sambhla bhi na tha Sher-e-Ziyan Nagahan mashk chhidi, sar pe laga gurz-e-giran Khun behta raha jab tak to na rahwar gire Beh gaya aab to reti pe Alamdar gire 5 Munh se be-sakhta nikli ye gham-angez sada Assalam ay jigar-o-jaan-e-Batul-e-Azra Assalam ay pisar-e-Badshah-e-Uqda-kusha Assalam ay umr-e-bagh-e-Rasul-e-do-sara Chhor ke Syed-e-wala ke qadam jate hain Ab Sakina se khabardar ke hum jate hain 6 Ye sada sunte hi Maula ne jigar ko thama Zauf-e-piri ne shah-e-jinn-o-bashar ko thaama Ghash jo aaya Ali Akbar ne pidar ko thama Daurane uthe ke musafir ki kamar ko thama Roye farmaya abhi tum bhi mujhe chhor chale The isi tarah su-e-khaima Shabbir rawan