Basta — Page 185

4 Asp se kehte the Abbas ye ba-chashm-e-pur-ab Yan se le chal mujhe ay asp-e-wafadar-e-shetab Pyase honge jo sairab to hovega sawab Kahin aisa na sari meri mehnat ho kharab Haye kya janiye kya bachchon ki halat hogi Mar gayi pyasi Sakina to qiyamat hogi

[Makhaz: Jab hue bazu-e-Abbas qalam darya par] Mirza Asadullah Khan Ghalib Ye ijtihad ajab hai ke ek dushman-e-din Ali se aake lare aur khata kahein usko?!

Hakim Momin Khan Momin Misdaq hua Ayah-e-'Tabbat' ka Yazid Farzand-e-Yadullah se baiat mangi?!

Tigh ka war jo Abbas ke shane pe laga 1 Tigh ka war jo Abbas ke shane pe laga Kat ke bazu-e-Alamdar zamin par aaya Dusre hath mein mashkize ko aakhir thama Aur ghore ki bhi raftar ko kuchh tez kiya Yaad aane lagi bachchon ki unhein pyas bahut Aab-dida hue is sadme se Abbas bahut 2 Dafatan dusre bazu par bhi ek war laga Aur wo hath bhi shane se qalam ho ke gira Mashk ko danton se Abbas-e-jari ne thama Fasla-e-khaima-e-athar na kam hota tha Keh rahe the ye faras se ke Khudaya jaldi Mujh ko tu khidmat-e-Shabbir mein pahuncha jaldi 3 Nagahan mashk par aa ke laga ek tir-e-jafa Aakhirash beh gaya pani wo zamin par sara Behte pani ko dilawar ne ba-hasrat dekha Aur is sadme se Abbas ka dil tut gaya Tutti umid jo pyason ki ba-sad-yas gire Zarb ek sar pe lagi ghore se Abbas gire