Basta — Page 194
View
Roman Urdu
Urdu text
4
Utre ya na utre ye pani lage se ab
Talu se mil gayi hai zaban lab se lab
Puri ye bat keh na chuke the Shah-e-Arab
Nanhe gale pe tir laga aa ke hai ghazab
Fawwara-e-khun ka zakhm se gardan ke beh gaya
Jitna piya tha dudh lahu ban ke beh gaya
5
Ragre ye paun nanhe ke ghungru nikal pare
Munh se anguthe ankh se ansu nikal pare
Ho ho ke dhile jaushan-e-bazu nikal pare
Haider jinan se khol ke gesu nikal pare
Shah bole qadr barh gayi mujh dil-malul ki
Nazr-e-Husain aap Khuda ne qubul ki
[Makhaz: Pahunche jo qatl-gah mein Shah-e-falak-janab]
۴
اُترے یا نہ اُترے یہ پانی لگے سے اب
تالو سے مل گئی ہے زباں لب سے لب
پوری یہ بات کہ نہ چکے تھے شہِ عرب
ننھے گلے پہ تیر لگا آ کے ہے غضب
فوارۂ خوں کا زخم سے گردن کے بہہ گیا
جتنا پیا تھا دودھ لہو بن کے بہہ گیا
۵
رگڑے یہ پاؤں ننھے کے گھنگرو نکل پڑے
منہ سے انگوٹھے آنکھ سے آنسو نکل پڑے
ہو ہو کے ڈھیلے جوشنِ بازو نکل پڑے
حیدرؑ جناں سے کھول کے گیسو نکل پڑے
شہؑ بولے قدر بڑھ گئی م¬ھ دل ملول کی
نذرِ حسینؑ آپ خدا نے قبول کی
[ماخذ: پہنچے جو قتل گاہ میں شاہِ فلک جناب]
Raja Mahmudabad
راجہ محمود آباد
Bano pichhle pahar Asghar ke liye roti hai
1
Bano pichhle pahar Asghar ke liye roti hai
Ek wo jagti hai khalq-e-Khuda soti hai
Sar ko bhi pitti hai jaan ko bhi khoti hai
Ye ajab gham hai ke taskin nahin hoti hai
Pite pite be-hosh jo jati hai
Ali Asghar, Ali Asghar ki sada aati hai
2
Kabhi kone mein wo munh dhanp ke chillati hai
Aur kabhi sahn mein ghabra ke nikal aati hai
Kokh pakre hue har ek taraf jati hai
Dhundhti hai magar Asghar ko nahin pati hai
tan ko larzish hai juda aur hai munh zard juda
Dil tarapta hai juda sine mein hai dard juda
3
Kabhi kehti hai ke ghar mein mere andhera hai
Ali Asghar ki judai ne mujhe mara hai
Haye main ghar mein hun jangal mein mera pyara hai
Mehrbani jo kare maut to chhutkara hai
Kab talak raton ko hum nala-o-faryad karen
Ya Ilahi, Ali Asghar mujhe ab yaad karen
بانو پچھلے پہر اصغر کے لئے روتی ہے
۱
بانوؑ پچھلے پہر اصغرؑ کیلئے روتی ہے
ایک وہ جاگتی ہے خَلقِ خدا سوتی ہے
سَر کو بھی پیٹتی ہے جان کو بھی کھوتی ہے
یہ عجب غم ہے کہ تسکین نہیں ہوتی ہے
پیٹے پیٹے بے ہوش جو جاتی ہے
علی اصغرؑ، علی اصغرؑ کی صدا آتی ہے
۲
کبھی کونے میں وہ منہ ڈھانپ کے چلاتی ہے
اور کبھی صحن میں گھبرا کے نکل آتی ہے
کوکھ پکڑے ہوئے ہر ایک طرف جاتی ہے
ڈھونڈتی ہے مگر اصغرؑ کو نہیں پاتی ہے
تن کو لرزش ہے جُدا اور ہے منہ زرد جُدا
دل تڑپتا ہے جُدا سنے میں ہے درد جُدا
۳
کبھی کہتی ہے کہ گھر میں مرے اندھیرا ہے
علی اصغرؑ کی جُدائی نے مجھے مارا ہے
ہائے میں گھر میں ہوں جنگل میں مرا پیارا ہے
مہربانی جو کرے موت تو چھٹکارا ہے
کب تلک راتوں کو ہم نالہ و فریاد کریں
یا الہیٰ، علی اصغرؑ مجھے اب یاد کریں